У Маладзечне завершаны IV Міжнародны мастацкі пленэр «Святасць зямлі Беларускай»
04 кастрычніка 2019
3 кастрычніка 2019 года ў выставачным фае Палаца культуры горада Маладзечна адбылася ўрачыстая цырымонія закрыцця IV Міжнароднага мастацкага пленэру «Святасць зямлі Беларускай», у якой прынялі ўдзел: епіскап Маладзечанскі і Стаўбцоўскі Павел, сакратар Маладзечанскай епархіі протаірэй Віталь Багданёнак, старшыня Саюза мастакоў Беларусі Рыгор Сітніца, дырэктар Маладзечанскага музычнага каледжа імя М. К. Агінскага Рыгор Сарока, мастакі — удзельнікі пленэра, духавенства, вернікі Маладзечанскай епархіі.
З прывітальнымі словамі выступілі: уладыка Павел, Рыгор Сітніца, Рыгор Сарока.
Усім удзельнікам пленэру былі ўручаны дыпломы і памятныя падарункі.
Затым у выставачным фае Маладзечанскага музычнага каледжа імя М. К. Агінскага адбылася выстава работ мастакоў-удзельнікаў папярэдніх міжнародных мастацкіх пленэраў «Святасць зямлі Беларускай». Творчы форум завяршыўся канцэртнай праграмай, на якой выступілі навучэнцы і выкладчыкі Маладзечанскага музычнага каледжа.
Выстава будзе размяшчацца з 3 па 15 кастрычніка ў Палацы культуры горада Маладзечна і ў Маладзечанскім дзяржаўным музычным каледжы імя М. К. Агінскага.
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
