У Нядзелю 19-ю пасля Пяцідзесятніцы Патрыяршы Экзарх здзейсніў Літургію ў Свята-Духавым кафедральным саборы горада Мінска
27 кастрычніка 2019
27 кастрычніка 2019 года, у Нядзелю 19-ю пасля Пяцідзесятніцы, дзень памяці святых айцоў VII Усяленскага сабора, мітрапаліт Мінскі і Заслаўскі Павел, Патрыяршы Экзарх усяе Беларусі, здзейсніў Бажэственную літургію ў Свята-Духавым кафедральным саборы горада Мінска.
Яго Высокапраасвяшчэнству саслужылі сакратар Мінскай епархіі протаіерэй Андрэй Волкаў і клірыкі кафедральнага сабора.
Пропаведзь пасля запрычаснага верша прамовіў клірык Свята-Духава кафедральнага сабора дыякан Вячаслаў Дубяга.
Богаслужэбныя спевы выканаў архіерэйскі хор пад кіраўніцтвам Аляксея Рапаўца.
Пасля заканчэння Бажэственнай літургіі ўладыка Павел павіншаваў прыхаджан сабора з нядзельным днём, прычаснікаў — з прыняццем Святых Хрыстовых Тайн і звярнуўся да ўсіх са словам настаўлення.
Усім імяніннікам і тым, хто адзначаў дзень нараджэння, было абвешчана мнагалецце, пасля чаго ўладыка Экзарх уручыў ім прасфоры і кветкі.
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
