Пошук

У Нядзелю 25-ю пасля Пяцідзесятніцы мітрапаліт Павел здзейсніў Літургію ў Свята-Духавым кафедральным саборы горада Мінска

08 снежня 2019

8 снежня, у Нядзелю 25-ю пасля Пяцідзесятніцы, дзень аддання свята Увядзення ў храм Прасвятой Багародзіцы, мітрапаліт Мінскі і Заслаўскі Павел, Патрыяршы Экзарх усяе Беларусі, здзейсніў Бажэственную літургію ў Свята-Духавым кафедральным саборы горада Мінска. 

Патрыяршаму Экзарху саслужылі: першы прарэктар Інстытута тэалогіі БДУ протаіерэй Сергій Гардун, сакратар Мінскай епархіі протаіерэй Андрэй Волкаў, старшыня прыходскага савета Мінскага Свята-Духава кафедральнага сабора іерэй Дыянісій Кавалёў, старшыня Сінадальнага аддзела Беларускай Праваслаўнай Царквы па справах моладзі іерэй Мікалай Шульмін.

За Бажэственнай літургіяй Патрыяршы Экзарх здзейсніў хіратонію ў дыякана студэнта трэцяга курса аспірантуры Мінскай духоўнай акадэміі Кірыла Гардуна.

Пасля заамвоннай малітвы мітрапаліт Павел і саслужачыя святары здзейснілі слаўленне святу.

Па заканчэнні богаслужэння ўладыка Павел павіншаваў прыхаджан сабора з нядзельным днём і звярнуўся са словам настаўлення. Мітрапаліт Павел павіншаваў прычаснікаў з прыняццем Святых Хрыстовых Тайн і падаў усім архіпастырскае благаславенне.

Уладыка Павел уручыў падзякі Патрыяршага Экзарха працаўнікам кафедральнага сабора і валанцёрам, якія асабліва ўдзельнічалі ў падрыхтоўцы і правядзенні святкавання 30-гадовага юбілея Беларускага Экзархату. 

Church.by

Фотарэпартаж