Пошук

У Нядзелю сырапусную мітрапаліт Мінскі і Заслаўскі Веніямін здзейсніў Бажэственную літургію ў кафедральным саборы Уваскрасення Хрыстова горада Барысава [відэа]

14 сакавіка 2021

14 сакавіка 2021 года, у Нядзелю сырапусную (Даравальную нядзелю), Успамін Адамава выгнання, мітрапаліт Мінскі і Заслаўскі Веніямін, Патрыяршы Экзарх усяе Беларусі, узначаліў Бажэственную літургію ў кафедральным саборы Уваскрасення Хрыстова горада Барысава.

За Літургіяй Прадстаяцелю Беларускай Праваслаўнай Царквы саслужылі: сакратар Барысаўскай епархіі, благачынны 1-й Барысаўскай царкоўнай акругі, настаяцель прыхода храма Ражджаства Хрыстова горада Барысава протаіерэй Аляксандр Вярбіла; ключнік кафедральнага сабора Уваскрасення Хрыстова горада Барысава іерэй Ігар Васько, клірыкі кафедральнага сабора.

Дыяканскі чын узначаліў клірык сабора протадыякан Міхаіл Сідараў.

Богаслужэбныя спевы выканаў хор кафедральнага сабора пад кіраўніцтвам рэгента Алы Кярко і дзіцячы хор пад кіраўніцтвам рэгента Ксеніі Качаноўскай.

Падчас богаслужэння былі ўзнесены асаблівыя малітоўныя прашэнні аб дараванні міру беларускаму народу і аб спыненні распаўсюджвання шкоднай павевы.

На патроенай екценні былі абвешчаны асаблівыя падзячныя прашэнні з нагоды 45-годдзя з дня архіерэйскай хіратоніі Свяцейшага Патрыярха Маскоўскага і ўсяе Русі Кірыла.

Пропаведзь пасля запрычаснага сціаха прамовіў іерэй Дзімітрый Качаноўскі.

Пасля адпусту Літургіі Прадстаяцель Беларускай Праваслаўнай Царквы мітрапаліт Веніямін звярнуўся да вернікаў са словам настаўлення перад пачаткам Вялікага посту. Затым па традыцыі папрасіў у духавенства і паствы прабачэння.

У завяршэнне Патрыяршы Экзарх павіншаваў прычаснікаў з прыняццем Святых Хрыстовых Тайн і падаў усім архіпастырскае благаславенне.

Па заканчэнні богаслужэння моладзевае брацтва Барысаўскага кафедральнага сабора ў гонар святога Васіля Ізмайлава і выхаванцы нядзельнай школы на саборнай тэрыторыі раздавалі бліны і чай, спявалі масленічныя песні і радавалі ўсіх добрым настроем.

Трансляцыя богаслужэння вялася на афіцыйным YouTube канале Беларускай Праваслаўнай Царквы. 

Барысаўская епархія/Church.by