Пошук

У Навагрудскай епархіі пройдзе хрэсны ход у гонар 25-годдзя адраджэння Лаўрышаўскага манастыра

21 ліпеня 2026

З 10 па 12 жніўня 2026 года ў Навагрудскай епархіі пройдзе штогадовы трохдзённы агульнаепархіяльны хрэсны ход у Свята-Елісееўскі Лаўрышаўскі мужчынскі манастыр, размешчаны ў вёсцы Гнесічы Навагрудскага раёна. Сёлета малітоўнае шэсце прысвечана 25-годдзю адраджэння манастыра над Нёманам.

10 жніўня хрэсны ход пачнецца з двух адпраўных пунктаў — горада Навагрудка і гарадскога пасёлка Карэлічы. Перад пачаткам шэсця ў храмах гэтых населеных пунктаў будуць здзейснены Бажэственныя літургіі.

У 9:00 архіепіскап Навагрудскі і Слонімскі Гурый узначаліць Бажэственную літургію ў храме святых страстацерпцаў і дабраверных князёў Барыса і Глеба горада Навагрудка. Пасля богаслужэння і трапезы паломнікі адправяцца па маршруце праз вёскі Гарадзечна, Спось, Суляцічы, Брольнікі і Мольнічы ў вёску Нягневічы. Увечары ў храме Казанскай іконы Прасвятой Багародзіцы будзе здзейснена набажэнства.

11 жніўня пасля богаслужэнняў у вёсках Нягневічы і Шчорсы групы паломнікаў сустрэнуцца ў вёсцы Лозкі і працягнуць сумесны шлях праз вёску Лаўрышава да Свята-Елісееўскага Лаўрышаўскага мужчынскага манастыра. Прыбыццё ў абіцель запланавана на 15:00. У 16:00 пачнецца богаслужэнне.

12 жніўня ў 9:00 архіепіскап Гурый узначаліць Бажэственную літургію ў Лаўрышаўскім манастыры. Пасля богаслужэння адбудзецца агульная трапеза.

Прыняць удзел у хрэсным ходзе можна як на працягу ўсяго маршруту, так і далучыўшыся да паломнікаў на адным з яго участкаў.

Праграма хрэснага ходу даступная па спасылцы

novogrud-eparchy.by / Church.by

Чытайце нас у мэсэнджэрах Telegram і Viber, 

сацсетках Instagram, ВКонтакте, 

Facebook і Одноклассники,

глядзіце ў YouTube і TikTok