У наваполацкім прыходзе Архангела Міхаіла рэалізуецца праект «Культура Праваслаўя»
07 кастрычніка 2020
Па благаславенню настаяцеля прыхода храма святога Архангела Міхаіла горада Наваполацка протаіерэя Аляксандра Шаховіча распрацаваны новы праект — «Культура Праваслаўя».
У рамках праекта будуць праходзіць духоўна-асветніцкія экскурсіі для навучэнцаў устаноў адукацыі. Каардынатарам мерапрыемстваў прызначана бібліятэкар ДУА «Сярэдняя школа № 11 горада Наваполацка» Жанна Ільянец. Адна з галоўных задач праекта — стварэнне сістэмы ўзаемадзеяння і цеснага супрацоўніцтва ўстаноў адукацыі з Полацкай епархіяй.
1 кастрычніка прайшла першая экскурсія, яе ўдзельнікамі сталі навучэнцы 4 класа 11-й школы. Бібліятэкар парафіі Вольга Бакуновіч падрыхтавала для школьнікаў гутарку-дыялог «Праваслаўны храм і яго ўладкаванне». Хлопцы і дзяўчаты наведалі храм Нараджэння святога Іаана Прадцечы. Жадаючыя напісалі памінальныя запіскі аб здароўі і упакаенні, запалілі ля абразоў свечкі.
Пасля заканчэння экскурсіі адбыўся майстар-клас перазвону, які правёў Аляксандр Зіноўеў, званар храма Нараджэння Найсвяцейшай Багародзіцы вёскі Багатырская Полацкага раёна.
Ад імя настаяцеля прыхода ўсім удзельнікам экскурсіі былі ўручаны салодкія падарункі.
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
