Пошук

У Пінскай епархіі выйшаў дакументальны фільм «Дар на Палескай зямлі», які апавядае пра Купяціцкі абраз Божай Маці [+Відэа]

03 сакавіка 2023

Па благаславенню епіскапа Пінскага і Лунінецкага Георгія ў Пінскай епархіі выйшаў дакументальны фільм «Дар на Палескай зямлі», які апавядае аб найстаражытнешым з яўленых на беларускіх землях Багародзічных абразоў – Купяціцкай іконе Божай Маці.

Мініяцюрная ікона, 840-годдзе яўлення якой адзначалася ў мінулым годзе, адрозніваецца сваёй незвычайнай формай — яна ўяўляе сабой невялікага памеру медны крыж. На адным баку крыжа рэльефна намалявана Маці Божая з Прадвечным Немаўляткам на левай руцэ, на другой — Распяцце.

У фільм увайшлі сведчанні вернікаў, інтэрв'ю з Патрыяршым Экзархам усяе Беларусі Мітрапалітам Веніямінам, епіскапам Пінскім і Лунінецкім Георгіем і свяшчэннаслужыцелямі епархіі.

Відэа размешчана на YouTube-канале храма Пятра і Фяўроніі горада Пінска.

***

Яўленне іконы адбылося ў вёсцы Купяцічы Пінскага павета Мінскай губерні. Дзяўчына па імені Ганна, якая пасвіла скаціну, убачыла сярод лістоты бляск святла, дзе выявіла на дрэве крыж з выявай Багародзіцы.

Дзяўчына аднесла крыж дадому і вярнулася да свайго статку. І на тым жа месцы яна зноў убачыла ззянне і зноў выявіла на дрэве крыж. Думаючы, што гэта другі крыж, яна павесіла яго сабе на грудзі.

Увечары, прыгнаўшы статак дадому, яна хацела паказаць знаходку бацьку, але крыжа на ёй не аказалася. Не аказалася і таго крыжа, што яна прыносіла дадому ў першы раз. Тады яна разам з бацькам пайшла да дрэва, дзе двойчы знаходзіла крыж. Тут яны ўбачылі ў прамяністым святле крыж з выявай Багародзіцы. Яшчэ раз яны забралі яго ў свой дом, але на другі дзень крыж зноў цудоўным чынам знік.

Жыхары вёскі, пачуўшы пра гэты цуд, пайшлі на паказанае месца і выявілі на дрэве крыж, які выпраменьваў незвычайнае ззянне. На гэтым месцы вяскоўцы выбудавалі невялікую драўляную царкву і паставілі туды знойдзены абраз з выявай Багародзіцы, ад якога пачалі адбывацца цуды.

Праз час царква была спалена татарамі, абраз знік бясследна, і мясцовасць вакол згарэлага храма заняпала. Праз шмат гадоў падарожнік па імені Іаакім, праходзячы міма месца, на якім калісьці стаяла царква, убачыў незвычайнае святло, якое выходзіла ад зямлі. Так цудатворны абраз быў здабыты ў другі раз і аднесены ў парафіяльную царкву вёскі Купяцічы. Вакол царквы пасля быў уладкаваны манастыр, які існаваў да канца XVII стагоддзя. Са сцен гэтай абіцелі выйшлі такія падзвіжнікі веры, як прападобнамучанік Афанасій, ігумен Брэсцкі, і прападобнамучанік Макарый Канеўскі, ігумен Пінскі.

З часам арыгінал іконы быў страчаны. У цяперашні час у Свята-Мікалаеўскай царкве вёскі Купяцічы Пінскага раёна Брэсцкай вобласці знаходзіцца напісаная ў XVII стагоддзі дакладная копія абраза, якая таксама праславілася шматлікімі цудамі.

Church.by

Чытайце нас у мэсэнджэрах Telegram і Viber, 

сацсетках Instagram, ВКонтакте, 

Facebook і Одноклассники