У панядзелак Светлай сядміцы мітрапаліт Павел узначаліў Пасхальную вячэрню ў Свята-Духавым кафедральным саборы горада Мінска
29 красавіка 2019
29 красавіка 2019 года, вечарам у панядзелак Светлага тыдня, мітрапаліт Мінскі і Заслаўскі Павел, Патрыяршы Экзарх усяе Беларусі, епіскапы: Барысаўскі і Мар'інагорскі Веніямін, Маладзечанскі і Стаўбцоўскі Павел, Слуцкі і Салігорскі Антоній, Бараўлянскі Ігнацій, здзейснілі Пасхальную вячэрню ў Свята-Духавым кафедральным саборы горада Мінска.
Архіпастырам саслужылі рэктар Мінскай духоўнай акадэміі архімандрыт Сергій (Акімаў), клірыкі Мінскай мітраполіі, благачынныя і настаяцелі храмаў Мінскай епархіі.
За богаслужэннем маліліся ігумення Спаса-Еўфрасіннеўскага стаўрапігіяльнага жаночага манастыра ігумення Еўдакія (Ляўшук), настаяцельніца Свята-Лізавецінскага жаночага манастыра ігумення Еўфрасіння (Лапцік).
Богаслужэбныя спевы выканаў архіерэйскі хор пад кіраўніцтвам Віталя Сабалеўскага.
Ад імя Сінода Беларускай Праваслаўнай Царквы і духавенства Мінскай мітраполіі са словамі велікоднага прывітання да Патрыяршага Экзарха звярнуўся епіскап Бараўлянскі Ігнацій.
Мітрапаліт Павел падзякаваў епіскапу Ігнацію за віншаванне і звярнуўся да багамольцаў з архіпастырскім словам, а затым ўсім, хто маліўся за богаслужэннем, уладыка Экзарх уручыў велікодныя яйкі.
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
