Пошук

У свята Усіх святых Патрыяршы Экзарх здзейсніў Літургію ва Усіхсвяцкім храме-помніку горада Мінска

27 чэрвеня 2021

27 чэрвеня 2021 года, у Нядзелю 1-ю пасля Пяцідзесятніцы, Усіх святых, мітрапаліт Мінскі і Заслаўскі Веніямін, Патрыяршы Экзарх усяе Беларусі, здзейсніў Бажэственную літургію ва Усіхсвяцкім храме-помніку горада Мінска.

Яго Высокапраасвяшчэнству саслужылі: настаяцель Усіхсвяцкага прыхода, благачынны 4-й Мінскай гарадской акругі протаіерэй Фёдар Поўны; сакратар Мінскай епархіі протаіерэй Андрэй Волкаў; настаяцель храма прападобнамучаніка Афанасія Брэсцкага горада Мінска протаіерэй Аляксандр Будзько і клірыкі Усіхсвяцкага прыхода.

Дыяканскі чын узначаліў протадыякан Уладзімір Назараў.

Літургічныя спевы выканаў мужчынскі хор «Усіхсвяцкі» пад кіраўніцтвам Дзмітрыя Такмакова.

Падчас богаслужэння быў здзейснены ўрачысты чын пастаўлення ў чытальніка (хіратэсія) выпускніка Інстытута тэалогіі імя святых Мяфодзія і Кірыла БДУ, алтарніка храма ў гонар іконы Божай Маці «Усецарыца» горада Мінска Аляксандра Кажальцова.

Пропаведзь перад Прычасцем прамовіў протаіерэй Аляксандр Будзько.

Пасля заамвоннай малітвы Патрыяршы Экзарх і саслужачыя святары здзейснілі слаўленне святу.

Па заканчэнні богаслужэння з прывітальным словам да мітрапаліта Веніяміна звярнуўся протаіерэй Фёдар Поўны.

Архіпастыр падзякаваў айцу Фёдару за цёплыя словы, павіншаваў духавенства і прыхаджан храма з прастольным святам і звярнуўся да багамольцаў са словам павучання.

Затым Патрыяршы Экзарх павіншаваў прычаснікаў з прыняццем Святых Хрыстовых Тайн і падаў усім архіпастырскае благаславенне.

Напрыканцы Прадстаяцель Беларускай Праваслаўнай Царквы ўручыў узнагароды Беларускай Праваслаўнай Царквы тым, хто асабліва папрацаваў у славу Царквы Хрыстовай.

Church.by 

Фотарэпартаж