Пошук

У Слоніме прайшоў злёт выхаванцаў нядзельнай школы, прысвечаны 700-годдзю Навагрудскай епархіі

23 ліпеня 2017

17-22 ліпеня на прыходзе храма прападобнамучаніка Афанасія Брэсцкага г. Слоніма адбыўся злёт, прысвечаны 700-годдзю Навагрудскай епархіі. У ім прынялі ўдзел выкладчыкі, бацькі і выхаванцы нядзельнай школы.

Як і ўсякая добрая справа, ён пачаўся з малебна, які здзейсніў благачынны Слонімскай царкоўнай акругі протаіерэй Вадзім Пятліцкі.

У рамках злёту прайшлі духоўныя гутаркі са святарамі; а таксама інтэлектуальныя, адукацыйныя, спартыўныя, эксперыментальныя гульні, у правядзенні якіх прымалі ўдзел не толькі выхаванцы Нядзельнай школы, але і іх бацькі.

Хлопцы вучыліся вышываць, выконваць розныя вырабы ў стылі арыгамі, змаглі праявіць свае музычныя здольнасці ў ігры на фартэпіяна і спевах.

Запомнілася ўсім сустрэча з манахам Жыровіцкага манастыра Іаанам (Бембелем), які казаў пра веру ў Бога, як яе захаваць і як трэба любіць сваю Радзіму.

З серады на чацвер хлопцы адправіліся ў паход, палатачны лагер размясціўся каля цудатворнай Багародзічнай крыніцы ў г. п. Жыровічы. Кіраўнік місіянерскага аддзела іерэй Уладзімір Каляда арганізаваў спаборніцтвы з паласой перашкод, а ў пятніцу ўсе адправіліся на прастольнае свята яўлення Казанскай іконы Божай Маці ў с. Шылавічы Слонімскага раёна. На Бажэственнай літургіі, якую здзяйсняў правячы архіерэй, усе рабяты паспавядаліся і прычасціліся Святых Хрыстовых Тайнаў.

У завяршэнне злёту быў адслужаны падзячны малебен, па заканчэнні якога ўдзельнікі сабраліся за салодкім сталом. Былі падведзены вынікі амаль тыднёвага злёту, настаяцель прыхода протаіерэй Уладзімір Бобчык падзякаваў арганізатарам, выкладчыкам і ўдзельнікам мерапрыемства.

Навагрудская епархія / Church.by