Пошук

У сераду першай сядміцы Вялікага посту мітрапаліт Павел узначаліў павячэр'е з чытаннем Вялікага канона прападобнага Андрэя Крыцкага ў Успенскім Жыровіцкім манастыры

13 сакавіка 2019

13 сакавіка 2019 года, у сераду першай сядміцы Вялікага посту, мітрапаліт Мінскі і Заслаўскі Павел, Патрыяршы Экзарх усяе Беларусі, узначаліў вялікае павячэр'е з чытаннем Вялікага канона прападобнага Андрэя Крыцкага ў Успенскім саборы Жыровіцкага стаўрапігіяльнага мужчынскага манастыра.

Яго Высокапраасвяшчэнству саслужылі: прадстаўнікі прафесарска-выкладчыцкай карпарацыі Мінскай духоўнай семінарыі, а таксама брація Жыровіцкага манастыра ў свяшчэнным сане.

Богаслужэбныя спевы выканаў мужчынскі хор Мінскай духоўнай семінарыі пад кіраваннем протадыякана Андрэя Скробата.

Па заканчэнні богаслужэння Патрыяршы Экзарх звярнуўся са словам настаўлення да духавенства, браціі і прыхаджан абіцелі.

Church.by

Фотарэпартаж