Пошук

У Вялікі Чацвер Патрыяршы Экзарх здзейсніў Літургію ў Свята-Духавым кафедральным саборы горада Мінска

25 красавіка 2019

25 красавіка 2019 года, у Вялікі Чацвер, дзень успаміну Апошняй Вячэры, мітрапаліт Мінскі і Заслаўскі Павел, Патрыяршы Экзарх усяе Беларусі, здзейсніў вячэрню з Бажэственнай літургіяй свяціцеля Васілія Вялікага і чын амавення ног у Свята-Духавым кафедральным саборы горада Мінска.

Яго Высокапраасвяшчэнству саслужылі: першы прарэктар Інстытута тэалогіі БДУ протаіерэй Сергій Гардун, сакратар Мінскай епархіі протаіерэй Андрэй Волкаў і клірыкі кафедральнага сабора.

Богаслужэбныя спевы выканаў архіерэйскі хор пад кіраўніцтвам Віталя Сабалеўскага.

Пропаведзь перад Прычасцем прамовіў клірык Свята-Духава кафедральнага сабора протадыякан Мікалай Аўсіевіч.

Па заканчэнні Бажэственнай Літургіі Патрыяршы Экзарх здзейсніў чын амавення ног па прыкладу Збавіцеля, які абмыў ногі сваім вучням за Тайнай Вячэрай і тым самым паказаў узор пакоры і братэрскай любові.

Пасля чыну амавення ног мітрапаліт Павел звярнуўся да прыхаджан і духавенства сабора са словам настаўлення.

Патрыяршы Экзарх павіншаваў усіх прычаснікаў з прыняццем Святых Хрыстовых Тайн і падаў усім архіпастырскае благаславенне.

Church.by

Фотарэпартаж