Пошук

У Віцебску прайшла канфэрэнцыя «Жаночы подзвіг у гісторыі Беларусі. 1917-2017 гады»

30 кастрычніка 2017

Прадстаўнікі Беларусі, Расіі і Латвіі прынялі ўдзел у першай міжнароднай навукова-практычнай канферэнцыі «Жаночы подзвіг у гісторыі Беларусі. 1917-2017 гады». Форум быў арганізаваны Віцебскім абласным аб'яднаннем праваслаўных жанчын, створаным па благаславенню архіепіскапа Віцебскага і Аршанскага Дзімітрыя ў 2016 годзе, пры падтрымцы Міжнароднай грамадскай арганізацыі «Саюз праваслаўных жанчын», Віцебскай абласной бібліятэкі і віцебскага сястрыцтва ў гонар святой роўнаапостальнай княгіні Вольгі.

Мерапрыемства пачалося з малебна ў Пакроўскім саборы горада Віцебска. Малебныя спевы здзейснілі настаяцель сабора протаіерэй Аляксандр Сіроткін і духаўнік Віцебскага абласнога аб'яднання праваслаўных жанчын протаіерэй Андрэй Смольскі.

Урачыстае адкрыццё канферэнцыі адбылося ў актавай зале абласной бібліятэкі. З прывітальнымі словамі да прысутных звярнуліся: дырэктар бібліятэкі Таццяна Мікалаеўна Адамян; галоўны спецыяліст упраўлення ідэалагічнай работы, культуры і па справах моладзі Віцебскага аблвыканкама Сяргей Мікалаевіч Фадзеенкаў; сустаршыня праўлення Міжнароднай грамадскай арганізацыі «Саюз праваслаўных жанчын», член камісіі Міжсаборнай прысутнасці па пытаннях грамадскага жыцця, культуры, навукі і інфармацыі, член бюро прэзідыума Сусветнага рускага народнага сабора, кандыдат гістарычных навук Ніна Барысаўна Жукава; старшыня Віцебскага абласнога грамадскага аб'яднання праваслаўных жанчын і кіраўнік Дыяканічнага цэнтра Віцебскай епархіі Іна Уладзіміраўна Касцюковіч. Ад імя архіепіскапа Дзімітрыя удзельнікаў семінара павітаў протаіерэй Андрэй Смольскі.

Прадстаўнік аблвыканкама Сяргей Фадзеенкаў адзначыў сімвалічнасць і важнасць абранага для абмеркавання на канферэнцыі гістарычнага перыяду, многія падзеі якога — Кастрычніцкая рэвалюцыя, грамадзянская, польска-савецкая, Вялікая Айчынная войны — да непазнавальнасці змянілі нашу краіну і наша грамадства.

У ходзе пленарнага пасяджэння прагучалі даклады сустаршыні праўлення Саюза праваслаўных жанчын Ніны Барысаўны Жукавай; заслужанага мастака Расіі, члена-карэспандэнта Расійскай акадэміі мастацтваў, члена савета Саюза праваслаўных жанчын Лізаветы Мікалаеўны Гаўрылавай; дацэнта Маскоўскага дзяржаўнага абласнога ўніверсітэта і Акадэміі сацыяльнага кіравання, кандыдата гістарычных навук Вольгі Уладзіміраўны Разінай; старшыні жансавета Варонежскай мітраполіі, члена праўлення Саюза праваслаўных жанчын Таццяны Аляксееўны Валадзько; галоўнага бібліятэкара НДА бібліятэказнаўства Нацыянальнай бібліятэкі Беларусі, намесніка старшыні каардынацыйнага савета па бібліятэчнай дзейнасці пры Сінадальным аддзеле рэлігійнай адукацыі і катэхізацыі Беларускай Праваслаўнай Царквы Вольгі Аляксандраўны Рынкевіч; старшыні Віцебскай абласной арганізацыі Беларускага таварыства Чырвонага Крыжа, старшыні Віцебскай абласной арганізацыі грамадскага аб'яднання «Беларускі саюз жанчын» Галіны Пятроўны Жэланавай; загадчыцы краязнаўчым музеем — філіялам Нацыянальнага Полацкага гісторыка-культурнага музея-запаведніка Ірыны Пятроўны Водневай; кіраўніка групы ўзаемадзеяння з рэлігійнымі арганізацыямі ААТ «ВДНГ», заслужанага работніка культуры Расійскай Федэрацыі Алы Сяргееўны Арэшкінай.

Ніна Жукава ў сваім дакладзе «Жаночы подзвіг у гісторыі Расіі. 1917-2017» распавяла аб разбурэнні шматдзетнай патрыярхальнай сям'і і пасьлярэвалюцыйнай тэндэнцыі адпраўляць жанчын туды, куды захоча партыя, вызваляючы іх ад сям'і і сямейных абавязкаў. Адказнасць за выхаванне дзяцей была перакладзена на яслі, сады і школы, не здольныя замяніць сям'ю. Галоўнымі утратами сталі страта святасці мацярынства і адказнасці бацькоўства. Ніна Барысаўна таксама расказала аб законапраектах, накіраваных на падтрымку мацярынства і традыцыйных сямейных каштоўнасцяў у Расіі. Сярод гэтых ініцыятыў — вывядзенне абортаў з сістэмы абавязковага медыцынскага страхавання, атрыманне маці, якая выхоўвае дзіця-інваліда, статусу сацыяльнага работніка з выплатай заработнай платы, каб яна магла даглядаць за дзіцем, маючы пры гэтым сродкі да існавання, і гэтак далей.

Лізавета Гаўрылава, якая прадставіў даклад на тэму «Аўгусцейшая сям'я імператара Мікалая II — прадаўжальнік і захавальнік асноў рускага праваслаўнага быту і выхавання дзяцей», адзначыла, што сёння прапагандуецца эгацэнтрызм, замена сямейнай ахвярнасці мужа і жонкі пагоняй за дастаткам і забавамі часцяком прыводзіць да крызісу шлюбных адносін.

Аб сямейным выхаванні і духоўна-маральных традыцыях у фокусе сучасных рэалій расказала Вольга Розіна. Яна распавяла аб новым тыпе сям'і, у якой дапускаецца парушэнне маральных каштоўнасцяў, якія не супярэчыць дзяржаўнаму закону, а паняцце граху замяняецца паняццем культуры здзяйснення граху, што не парушае грамадскія нормы. Адносіны паміж людзьмі становяцца толькі знешнімі і абмяжоўваюцца толькі прававымі нормамі, якія рэгулююць канфлікты інтарэсаў, але якія не рэгулююць маральнасць. Сем'і сталі існаваць на аснове прымянення сілы або запалохвання жонак мужамі, альбо на аснове дамоўленасці і яе больш дасканалай формы - заключэння шлюбных кантрактаў. Але правільная сям'я грунтуецца на любві, якая не патрабуе застрашвання або дамоўленасцей. Па словах Вольгі Уладзіміраўны, у ходзе апытанняў сярод студэнтаў яна заўважыла, што многія маладыя людзі не супраць дашлюбных адносін і «грамадзянскага шлюбу», але ў супярэчнасць гэтаму, тыя ж рабяты ў такіх адносінах шукаюць не свабоду, а традыцыйныя сямейныя каштоўнасці, і амаль палова апытаных не лічыць сваю «сям'ю» прыкладам для пераймання. Дзеці хочуць мець добрую сям'ю, але ні школа, ні бацькі не могуць падаць ім годны прыклад.

Таццяна Валадзько падзялілася вопытам арганізацыі ў Варонежскай епархіі жансовета, які складаецца з жонак святароў. Яна распавяла аб фінансавай падтрымцы жансовета з боку дзяржаўных і грамадскіх фондаў Варонежскай вобласці і прызначэнні гэтых сродкаў у дапамогу ўдовам святароў, сем'ям з дзецьмі, хворымі на анкалогію, сем'ям бежанцаў, маламаёмасным сем'ям пры зборы дзяцей у школу і гэтак далей.

Пасля кава-паўзы пачалася праца ў трох секцыях. У будынку бібліятэкі работу вялі секцыя 2 «Жанчыны ў войнах і ўзброеных канфліктах» і секцыя 3 «Працоўны подзвіг жанчын у гісторыі Беларусі». Секцыя 1 «Служэнне жанчын у Праваслаўнай Царкве» размясцілася ў актавай зале Віцебскай духоўнай семінарыі.

Акрамя друкаванага зборніка з дакладамі канферэнцыі, выданне якога плануецца ў будучыні, матэрыялы форуму будуць размешчаны на сайце Віцебскай абласной бібліятэкі.

Віцебская епархія / Church.by