Пошук

Валянціна Матвіенка перадала Усіхсвяцкаму храму Мінска капсулу з зямлёй з месцаў баёў пада Ржэвам

06 сакавіка 2020

5 сакавіка 2020 года старшыня Савета Федэрацыі Федэральнага Сходу Расійскай Федэрацыі Валянціна Іванаўна Матвіенка, знаходзячыся з афіцыйным візітам у Рэспубліцы Беларусь, наведала храм-помнік у гонар Усіх святых горада Мінска. Разам са старшынёй Савета Рэспублікі Нацыянальнага сходу Рэспублікі Беларусь Наталляй Іванаўнай Качанавай высокая госця з Расіі перадала храму капсулу з зямлёй з месцаў кровапралітных баёў пад горадам Ржэвам.

Ва ўрачыстай цырымоніі прынялі ўдзел: мітрапаліт Мінскі і Заслаўскі Павел, Патрыяршы Экзарх усяе Беларусі, Надзвычайны і Паўнамоцны Пасол Расійскай Федэрацыі ў Рэспубліцы Беларусь Дзмітрый Фёдаравіч Мезенцаў, настаяцель Усіхсвяцкага прыхода протаіерэй Фёдар Поўны, ветэраны, парламентарыі і прадстаўнікі дыпламатычнага корпуса.

У капсулу закладзена зямля з двух месцаў: з «вышыні-200», за якую некалькі месяцаў ішлі бітвы і дзе праходзіў Палунінскі рубеж, і з брацкай магілы каля вёскі Какошкіна, дзе пахаваны тысячы невядомых салдат. Цырымонія перадачы капсулы прымеркавана да міжнароднай акцыі памяці «У славу агульнай Перамогі!»

Пасля перадачы капсулы Валянціна Матвіенка пагутарыла з жыхарамі блакаднага Ленінграда, якія пражываюць у цяперашні час у горадзе Мінску.

Пасля агляду храма высокія госці запалілі свечкі, а затым мітрапаліт Павел ад імя Беларускага Экзархату перадаў у дар Валянціне Іванаўне ікону прападобнай Еўфрасінні Полацкай.

Закладзеная ў нішу крыпты Усіхсвяцкага храма капсула з зямлёй з месцаў баёў пада Ржэвам стала 78-й. Усяго ў крыпце прадугледжаны 504 нішы, падзеленыя на сектары. Зямля з-пад Ржэва заняла сваё месца побач з зямлёй з месцаў найбуйнейшых бітваў у гісторыі Вялікай Айчыннай вайны: на Курскай дузе, аперацыі «Прарыў» у Віцебскай вобласці, Вяземскай аперацыі.

Па словах дырэктара Беларускага культурнага цэнтра духоўнага адраджэння Аляксандра Госцева, у рамках акцыі «У славу агульнай Перамогі!» у храме-помніку да 9 мая адкрыецца музей памяці. Экспазіцыя раскажа аб найбуйнейшых бітвах, у якіх удзельнічалі беларусы: ад бітвы на Нямізе да вайны ў Афганістане. Наведвальнікі змогуць азнаёміцца падрабязней з гісторыяй кожнай з капсул, закладзеных у крыпце. Пра гэта раскажуць фатаграфіі, каштоўныя гістарычныя артэфакты і знаходкі, перададзеныя ў дар музею прыхаджанамі храма.

Фота: БелТА

Church.by