Усе ўдзельнікі флэшмоба калядных песень і калядак будуць адзначаны дыпломамі Патрыяршага Экзарха [відэа]
28 студзеня 2021
З 22 снежня 2020 года па 10 студзеня 2021 года Брацтва апостала Іаана Багаслова па благаславенню мітрапаліта Мінскага і Заслаўскага Веніяміна, Патрыяршага Экзарха ўсяе Беларусі правяло флэшмоб калядных песень і калядак. У ім прынялі ўдзел 56 калектываў і выканаўцаў з розных куткоў Беларусі. Таксама ў ліку канкурсантаў былі ўдзельнікі з Расіі і Германіі.
Да флэшмоба падключыліся асобныя выканаўцы, сем'і, дзіцячыя і прафесійныя калектывы. З улікам таго, што ў канкурсантаў розны ўзровень прафесійнай падрыхтоўкі, але кожная прадстаўленая праца заслугоўвае асаблівай увагі, вырашана ўзнагародзіць усіх удзельнікаў. Кожны з іх будзе адзначаны дыпломамі Патрыяршага Экзарха.
Спіс усіх удзельнікаў флэшмоба апублікаваны на сайце Брацтва апостала Іаана Багаслова.
З 15 калядак і песнапенняў, адабраных Брацтвам Іаана Багаслова, быў падрыхтаваны Інтэрнэт-канцэрт, які размешчаны на афіцыйным YouTube-канал БПЦ.
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
