Пошук

XVII Адзігітрыеўскі хрэсны ход перасёк граніцу Расіі і Беларусі

08 жніўня 2019

Архіепіскап Віцебскі і Аршанскі Дзімітрый і ўдзельнікі XVII Міжнароднага Адзігітрыеўскага хрэснага ходу, які ідзе з Віцебска ў Смаленск, прыбылі ў Руднянскі раён Смаленскай вобласці, на граніцу Расіі і Беларусі.

На Расійскай зямлі паломнікаў сустракаў мітрапаліт Смаленскі і Дарагабужскі Ісідар, а таксама благачынны Дзямідаўскай акругі протаіерэй Аляксандр Міронаў і клірыкі Дзямідаўскага благачыння Смаленскай епархіі.

Ва ўрачыстай сустрэчы таксама прыняло ўдзел духавенства Віцебскай епархіі: выконваючы абавязкі настаяцеля Свята-Троіцкага Маркава мужчынскага манастыра архімандрыт Сергій (Брыч), благачынны Лёзненскай акругі протаіерэй Вячаслаў Пашкевіч, благачынны 1-й Аршанскага раённага благачыння іерэй Вадзім Котаў, клірык Успенскага кафедральнага сабора горада Віцебска протаіерэй Уладзімір Арцёменка, настаяцель храма святога Васілія Вялікага горада Віцебска іерэй Андрэй Ярмальчук, клірык Успенскага жаночага манастыра горада Оршы протаіерэй Аляксандр Лапцеў і клірык храма Нараджэння Найсвяцейшай Багародзіцы горада Оршы іерэй Аляксандр Казлоў.

На граніцу дзвюх дзяржаў таксама прыбылі прадстаўнікі свецкай улады: галоўны спецыяліст аддзела па справах моладзі, рэлігій і нацыянальнасцяў Галоўнага ўпраўлення ідэалагічнай работы, культуры і па справах моладзі Віцебскага аблвыканкама Сяргей Мікалаевіч Фадзеенкаў, старшыня Лёзненскага райвыканкама Сяргей Рычардавіч Зямчонак і старшыня Лёзненскага раённага Савета дэпутатаў Тамара Леанідаўна Дрылёнак.

Куратарам хрэснага ходу з Віцебска ў Смаленск, па традыцыі, з'яўляецца кіраўнік аддзела па справах моладзі Віцебскай епархіі протаіерэй Аляксандр Кавалёў.

Для малітоўнага пакланення на граніцу была дастаўлена Смаленская ікона Божай Маці — абраз, які знаходзіцца ў храме Святой Жыццепачатнай Тройцы ў вёсцы Мікуліна (спісак XVII стагоддзя з цудатворнай надбрамнай Смаленскай іконы Божай Маці «Адзігітрыя»).

Мітрапаліт Ісідар падзякаваў архіепіскапу Віцебскаму і Аршанскаму Дзімітрыю за прадстаўленую магчымасць правядзення Адзігітрыеўскага хрэснага ходу, а таксама павіншаваў кіраўніка Віцебскай епархім з 30-годдзем архіерэйскай хіратоніі і паднёс у дар яго Высокапраасвяшчэнству панагію.

Архіепіскап Дзімітрый, у сваю чаргу, цёпла прывітаў мітрапаліта Ісідара і ўсіх тых, хто сабраўся, пасля ўручыў архіпастыру абраз Ангела Ахоўніка і карціну з выявай віцебскага храма Благавешчання Прасвятой Багародзіцы.

Пасля гэтага са словамі прывітання да прысутных звярнуліся прадстаўнікі свецкай улады Смаленскага і Віцебскага рэгіёнаў.

Затым перад Смаленскім абразом Божай Маці быў здзейснены падзячны малебен, пасля заканчэння якога архіепіскап Дзімітрый акрапіў удзельнікаў хрэснага ходу святой вадой.

Віцебская епархія / Church.by