Пошук

XXIX Міжнародныя адукацыйныя чытанні «Аляксандр Неўскі: Захад і Усход, гістарычная памяць народа» адкрыюцца 16 мая ў Маскве

15 мая 2021

З 16 па 19 мая 2021 года ў Маскве адбудуцца XXIX Міжнародныя адукацыйныя чытанні «Аляксандр Неўскі: Захад і Усход, гістарычная памяць народа».

Пачнуцца чытання 16 мая традыцыйна з Літургіі ў Храме Хрыста Збавіцеля, якую ўзначаліць Патрыярх Маскоўскі і ўсяе Русі Кірыл. Урачыстае пленарнае пасяджэнне чытанняў адбудзецца 17 мая ў канцэртнай зале «Крокус Сіці Хол».

Праца XXIX Адукацыйных чытанняў пройдзе пад старшынствам Свяцейшага Патрыярха Маскоўскага і ўсяе Русі Кірыла і будзе весціся ўвогуле па 17 напрамках і ў рамках парламенцкіх сустрэч. У ходзе чытанняў запланавана правядзенне больш за 140 розных мерапрыемстваў, якія будуць трансліравацца ў Інтэрнэце, у тым ліку праз нядаўна створаны спецыялізаваны мабільны дадатак.

Кароткая праграма чытанняў для запампоўкі.

Міжнародныя адукацыйныя чытанні — гэта найбуйнейшы царкоўна-грамадскі форум, унікальная па значнасці з'ява ў сферы адукацыі, культуры, сацыяльнага служэння, духоўна-маральнай асветы, патрыятычнага выхавання і іншых значных напрамкаў царкоўнага і грамадскага жыцця. Традыцыя правядзення форуму ўзнікла ў 1992 годзе, калі ў Маскве ўпершыню прайшла канферэнцыя праваслаўных педагогаў сталіцы. Сёння гэта глабальнае, шырокамаштабнае мерапрыемства, якое ставіць перад сабой задачы не толькі развіцця праваслаўнай адукацыі і духоўна-маральнай асветы грамадства, але і пераасэнсавання з пазіцыі праваслаўнага светапогляду розных пытанняў навукі, культуры, сацыяльнай і маладзёжнай работы, міждзяржаўных і міжканфесійных сувязяў.

Church.by