Пошук

Завяршаюцца праслухоўванні першага этапу фестывалю архіерэйскіх хораў Рускай Праваслаўнай Царквы «Святло Хрыстова»

27 сакавіка 2021

З 1 лютага па 4 лістапада 2021 года па благаславенню Свяцейшага Патрыярха Маскоўскага і ўсяе Русі Кірыла праводзіцца Патрыяршы Міжнародны фестываль «Святло Хрыстова» сярод архіерэйскіх хораў Рускай Праваслаўнай Царквы.

Падыходзяць да завяршэння праслухоўванні першага этапу фестывалю, у якім прымаюць удзел харавыя калектывы з Расіі і замежных краін. У сувязі з тым, што не ўсе калектывы па колькасным складзе адпавядаюць класічнаму паняццю хору, журы фестывалю прыняло рашэнне вылучыць падобныя калектывы ў асобную намінацыю — «Харавы ансамбль».

Фестываль праводзіцца ў тры этапы. Першы этап праводзіцца ў завочнай форме; на яго прымаюцца відэазапісы трансляцый набажэнстваў з храмаў Рускай Праваслаўнай Царквы з удзелам хораў. Другі этап таксама праводзіцца ў завочнай форме. Прымаюцца відэазапісы канцэртных выступленняў хораў, якія прайшлі ў другі этап фестывалю. Трэці этап пройдзе ў вочнай форме. Плануецца ўдзел у богаслужэнні ў адным з кафедральных сабораў г. Масквы, а таксама ў гала-канцэрце ў Зале царкоўных сабораў Храма Хрыста Збавіцеля г. Масквы. Дата правядзення гала-канцэрта — 4 лістапада, свята Казанскай іконы Маці Божай, Дзень народнага адзінства.

Заяўкі і відэазапісы на пошту pravpenie@gmail.com неабходна даслаць у тэрмін да 1 красавіка (на першы этап) і да 1 чэрвеня (на другі этап). Лепш перасылаць відэазапіс ўсяго богаслужэння (Літургіі або усяночнага трывання) у поўным аб'ёме. Канцэртнае выкананне павінна доўжыцца не менш за 15 хвілін, без абмежавання па часе.

Па выніках фестывалю ўсе ўдзельнікі будуць адзначаны спецыяльнымі граматамі.

Відэазапісы выступленняў усіх хораў будуць размешчаны на You-tube канале царкоўна-грамадскага савета па развіцці рускіх царкоўных спеваў.

Палажэнне аб фестывалі

Заяўка ўдзельніка

Патрыярхія.ру / Church.by