24 хоры прынялі ўдзел у фестывалі «Пойте Богу нашему, пойте»
17 мая 2017
14 мая 2017 года ў Доме культуры горада Драгічына прайшоў XVI Епархіяльны фестываль праваслаўных духоўных песнапенняў «Спявайце Богу нашаму, спявайце». Гэты пеўчы форум традыцыйна праводзіцца ў велікодны перыяд па благаславенню архіепіскапа Брэсцкага і Кобрынскага Іаана. Арганізатарамі з'яўляюцца Драгічынскі раённы выканаўчы камітэт і Брэсцкая епархія.
У фестывалі прынялі ўдзел 24 пеўчых калектыва, кожны з якіх выканаў па 2-3 творы. Сярод выступоўцаў былі мужчынскія, жаночыя і мяшаныя, дзіцячыя і моладзевыя хоры.
Фестываль меў конкурсную аснову. Гран-пры фестывалю быў прысуджаны Народнаму хору ветэранаў імя Назарава дзяржаўнай установы культуры «Пінскі гарадскі Дом культуры» (кіраўнік — Ніна Данілюк).
Кожны з калектываў быў узнагароджаны каштоўнымі прызамі і дыпломамі фестывалю.
Сярод ганаровых гасцей фестывалю прысутнічалі: архіепіскап Брэсцкі і Кобрынскі Іаан, старшыня раённага Савета дэпутатаў Святлана Уладзіміраўна Барташ, начальнік аддзела ідэалагічнай работы, культуры і па справах моладзі Драгічынскага райвыканкама Леанід Сцяпанавіч Куроўскі.
У завяршэнне мерапрыемства слова было прадастаўлена Святлане Барташ і архіепіскапу Іаану. Арцыпастыр звярнуўся да прысутных са словамі падзякі і пажадання.
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
