Пошук

Актавы дзень адзначылі ў Віцебскай духоўнай семінарыі

28 мая 2019

У дзень памяці святых роўнаапостальных Кірыла і Мяфодзія, вучыцеляў Славянскіх, сакратар Віцебскай епархіі протаіерэй Уладзімір Рэзановіч узначаліў Бажэственную літургію ў Кірыла-Мяфодзіеўскім храме Віцебскай духоўнай семінарыі.

Яго Высокапрападабію саслужылі: першы прарэктар Віцебскай духоўнай семінарыі протаіерэй Канстанцін Ізафатаў, выкладчык дагматычнага багаслоўя архімандрыт Сергій (Брыч), прарэктар па вучэбнай рабоце протаіерэй Дзімітрый Савіч, прарэктар па выхаваўчай рабоце протаіерэй Аляксандр Лесавой, кіраўнік аддзела рэлігійнай адукацыі і катэхізацыі Віцебскай епархіі протаіерэй Андрэй Смольскі, старшы дзяжурны памочнік прарэктара па выхаваўчай рабоце протаіерэй Аляксандр Мазалёў, дзяжурны памочнік прарэктара па выхаваўчай працы Віцебскай духоўнай семінарыі іерэй Барыс Слуцкі. Дыяканскі чын узначаліў дыякан Яўген Макарэвіч. Богаслужэбныя спевы выканаў хор студэнтаў духоўнай школы пад кіраўніцтвам дыякана Аляксандра Буханцова.

Аб жыцці святых Кірыла і Мяфодзія, а таксама аб важнасці іх працы распавёў у сваёй пропаведзі па запрычасным вершы протаіерэй Аляксандр Лесавой.

У завяршэнне богаслужэння быў здзейснены малебен з хрэсным ходам.

Пасля малітвы ў актавай зале духоўнай школы прайшла афіцыйная частка прастольнай урачыстасці, якая пачалася з выступлення протаіерэя Канстанціна Ізафатава. Першы прарэктар інфармаваў прысутных аб жыцці і дасягненнях семінарыі за мінулы год, а таксама павіншаваў усіх з днём памяці святых роўнаапостальных Кірыла і Мяфодзія.

Выкладчык апалагетыкі Дзяніс Андрэеў распавёў аб рабочай паездцы на Святую Зямлю, а таксама аб перспектывах далейшага супрацоўніцтва семінарыі і Інстытута археалогіі Расійскай акадэміі навук.

Завяршылася афіцыйная частка свята выступленнем семінарскага хору пад кіраўніцтвам дыякана Аляксандра Буханцова, пасля чаго ўсіх удзельнікаў Актавага дня чакаў святочны абед у семінарскай трапезнай.

Віцебская епархія / Church.by