Алея «Бэз Перамогі» заложана побач з Каложскай царквой у Гродне
12 мая 2017
Ветэраны, школьнікі, кіраўніцтва горада і прадстаўнікі Праваслаўнай Царквы 6 мая ўрачыста залажылі паблізу Барыса-Глебскага (Каложскага) храма Гродна алею «Бэз Перамогі». Акцыя прайшла ў рамках міжнароднага праекта.
Кусты бэзу бясплатна прадаставіў Цэнтральны батанічны сад Акадэміі навук Беларусі. Іх асабіста прывёз у Гродна акадэмік Уладзімір Рашэтнікаў. Алея складаецца з 21 куста розных гатункаў.
Кожны гатунак мае сваю невыпадковую назву, якую можна прачытаць на адмысловай этыкетцы. Да прыкладу, ёсць гатунак імя Канстанціна Заслонава: на этыкетцы размешчаны кароткі жыццяпіс героя-партызана. Ёсць і гатунак «Маленькі прынц», названы ў гонар героя казкі французскага пісьменніка-антыфашыста, ваеннага лётчыка Антуана дэ Сэнт-Экзюперы.
Падобная алея «Бэз Перамогі» ўжо ёсць каля Каложы — яе залажыў прыход у 2016 годзе. Праз год савет ветэранаў Ленінскага раёна Гродна выступіў з ініцыятывай працягу акцыі. Прыход свята-Барыса-Глебскага храма на чале з настаяцелем каложскай царквы протаіерэем Аляксандрам Балоннікавым падтрымаў ветэранаў і звярнуўся ў Батанічны сад за новымі кустамі бэзу.
Міжнародны праект «Бэз Перамогі» быў пачаты ў 2011 годзе Саветам батанічных садоў Расіі і Беларусі ў працяг выдатнай традыцыі — пасадкі кустоў бэзу ў памяць аб Перамозе ў Вялікай Отеечственной вайне. Бэз даўно стаў сімвалам Перамогі, таму што ў маі 1945 года ён квітнеў асабліва бурна. Менавіта кветкамі бэзу сустракалі воінаў-вызваліцеляў, якія вярнуліся дадому.
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
