Пошук

Беларуская Праваслаўная Царква і Нацыянальная акадэмія навук Беларусі правядуць міжнародную канферэнцыю

30 кастрычніка 2019

31 кастрычніка 2019 года ў Нацыянальнай бібліятэцы Беларусі адбудзецца ўрачысты акт, прымеркаваны да 180-годдзя Полацкага царкоўнага сабора 1839 года. Праграма ўрачыстага акту будзе апублікавана дадаткова.

На наступны дзень, 1 лістапада 2019 года, у Мінску адбудзецца Міжнародная навукова-практычная канферэнцыя «Праваслаўе ў Беларусі. ХІХ-ХХ стагоддзі».

Мэтай канферэнцыі з'яўляецца ўсебаковае асэнсаванне значэння Праваслаўнай Царквы ў кантэксце гістарычнага, рэлігійнага і культурнага развіцця Беларусі і ўсходнеславянскіх дзяржаў.

Арганізатарамі канферэнцыі выступаюць Беларуская Праваслаўная Царква, Нацыянальная акадэмія навук Беларусі, Аддзяленне гуманітарных навук і мастацтваў Інстытута гісторыі НАН Беларусі і Мінская духоўная акадэмія.

Праблемнае поле канферэнцыі:

1. Гісторыя Праваслаўнай Царквы ў Беларусі, Расіі і Украіне
2. Значэнне Полацкага сабора 1839 г. у захаванні рэлігійных і культурных каштоўнасцяў беларускага народа
3. Агульнаславянскае адзінства ў рэлігійнай, грамадска-палітычнай і філасофскай думцы Беларусі, Расіі і Украіны
4. Духоўна-культурная спадчына ўсходнеславянскага свету
5. Праваслаўе і развіццё нацыянальнай культуры беларускага народа
6. Дыялог дзяржавы і Царквы па праблемах духоўна-культурнага развіцця грамадства
7. Царкоўна-грамадскія адносіны: асноўныя тэндэнцыі і шляхі развіцця
8. Навука і рэлігія ў жыцці сучаснага беларускага грамадства
9. Рэлігійная і свецкая адукацыя: агульныя гуманістычныя арыенціры
10. Хрысціянскія каштоўнасці і праблемы духоўна-маральнага выхавання асобы.

Да ўдзелу ў канферэнцыі запрашаюцца навукоўцы, праваслаўныя святары, выкладчыкі, работнікі органаў дзяржаўнай улады і кіравання, грамадскія дзеячы, аспіранты, магістранты, студэнты.

Па выніках канферэнцыі будзе апублікаваны зборнік матэрыялаў.

Больш падрабязная інфармацыя змяшчаецца ў інфармацыйным лісце.

Church.by