У выдавецтве Мінскага Свята-Петра-Паўлаўскага прыхода выйшла кніга, прысвечаная протаіерэю Сергію Гардуну (1959-2022)

Выданне выйшла ў серыі «48 праваслаўных дзеячаў Беларусі» і прысвечана памяці выдатнага свяшчэннаслужыцеля Мінскай епархіі, першага прарэктара Інстытута тэалогіі Беларускага дзяржаўнага ўніверсітэта, прафесара Мінскай духоўнай акадэміі, багаслова, галоўнага рэдактара богаслужэбнай камісіі, лаўрэата прэміі Прэзідэнта Рэспублікі Беларусь «За духоўнае адраджэнне» (2019 г.) — протаіерэя Сергія Гардуна (1959-2022).

На адукацыйным партале Мінскай духоўнай семінарыі «Амафор» пройдзе цыкл лекцый «Быць бацькам»

26 красавіка 2026 года на адукацыйным партале Мінскай духоўнай семінарыі «Амафор» стартуе цыкл лекцый «Быць бацькам», падрыхтаваны сумесна з Сінадальным аддзелам па пытаннях сям'і, абароны мацярынства і дзяцінства Беларускага Экзархату. Праект прысвечаны асэнсаванню ролі бацькі і ўмацаванню традыцыйных сямейных каштоўнасцяў у сучасным грамадстве.