Пошук

Духоўныя школы Віцебскай епархіі наведала Камісія па аналізе і ўдасканаленні вучэбна-выхаваўчага працэсу ў духоўных навучальных установах Беларускага Экзархату

26 лютага 2021

24-25 лютага 2021 года па благаславенню мітрапаліта Мінскага і Заслаўскага Веніяміна, Патрыяршага Экзарха ўсяе Беларусі, у Віцебскай духоўнай семінарыі і Віцебскім жаночым духоўным вучылішчы працавала Камісія па аналізе і ўдасканаленні вучэбна-выхавальніцкага працэсу ў духоўных навучальных установах Беларускага Экзархату.

У склад камісіі ўвайшлі 12 прадстаўнікоў духоўных і свецкіх навучальных устаноў Беларусі, а яе працу ўзначаліў епіскап Лідскі і Смаргонскі Парфірый.

24 лютага ў семінарскім храме святых роўнаапостальных Кірыла і Мяфодзія быў здзейснены малебны спеў, пасля чаго члены Камісіі наведалі лекцыйныя заняткі ў аўдыторыях семінарыі, вывучылі рабочую дакументацыю, пацікавіліся правядзеннем навуковай працы і арганізацыяй практык навучэнцаў.

Пасля заняткаў у актавай зале Віцебскай духоўнай семінарыі адбылася сустрэча епіскапа Парфірыя са студэнтамі.

Таксама ў гэты дзень адбылася сустрэча членаў Камісіі з рэктарам ВДУ імя П. М. Машэрава Валянцінай Багатыровай, у ходзе якой было ўзнята пытанне аб аднаўленні набору на спецыяльнасць «тэалогія». Пасля візіту ў ВДУ госці наведалі адкрыццё выставы жывапісу і графікі «Храмы Віцебскай зямлі», якая праходзіла ў Віцебскім мастацкім музеі.

25 лютага працягнулася праца камісіі ў сценах семінарыі. Узровень ведаў і кампетэнцыі семінарыстаў быў правераны ў форме напісання эсэ.

Праца камісіі завяршылася малебнам у храме святых роўнаапостальных Кірыла і Мяфодзія.

Па выніках інспекцыйнай праверкі Камісія звярнулася да органаў дзяржаўнай улады з хадайніцтвам аб вяртанні Віцебскай духоўнай семінарыі яе гістарычнага будынка і пашырэнні памяшканняў Віцебскага жаночага духоўнага вучылішча.

Раней, 23 лютага, камісія па аналізе і ўдасканаленні вучэбна-выхавальніцкага працэсу ў духоўных навучальных установах Беларускага Экзархату таксама працавала ў Аршанскім духоўным вучылішчы.

Вынікі працы Камісіі ў духоўных навучальных установах Віцебскай епархіі будуць прадстаўлены на разгляд Патрыяршаму Экзарху.

Віцебская епархія / Church.by