Пошук

Епіскап Лідскі і Смаргонскі Парфірый узяў удзел у пасяджэнні камісіі Міжсаборнай прысутнасці РПЦ па пытаннях арганізацыі жыцця манастыроў і манаства

09 верасня 2021

8 верасня 2021 года адбылося чарговае пасяджэнне камісіі Міжсаборнай прысутнасці Рускай Праваслаўнай Царквы па пытаннях арганізацыі жыцця манастыроў і манаства. У сувязі з пандэміяй каронавіруса гутарка праходзіла ў фармаце відэаканферэнцыі. З архіерэйскай рэзідэнцыі пры Аляксандра-Неўскім кафедральным саборы Ніжняга Ноўгарада пасяджэнне правёў старшыня камісіі мітрапаліт Ніжагародскі і Арзамаскі Георгій.

У пасяджэнні па відэасувязі прыняў удзел член камісіі, старшыня Сінадальнага аддзела па справах манастыроў і манаству Беларускай Праваслаўнай Царквы епіскап Лідскі і Смаргонскі Парфірый.

У ходзе пасяджэння мітрапаліт Георгій распавёў членам камісіі аб завяршэнні працы над дакументам «Палажэнне аб пострыгах, якія здзяйсняюцца ў духоўных навучальных установах. Аб манаскіх абшчынах пры духоўных навучальных установах» , а таксама аб дапрацоўцы дакументаў «Свяшчэннаслужэнне манахаў на прыходах» і «Практычныя аспекты прыняцця ў манастыр і духоўнага акармлення паслушнікаў».

Акрамя таго, ігумення Марфа-Марыінскай абіцелі міласэрнасці ігумення Лізавета (Пазнякова) праінфармавала ўдзельнікаў пасяджэння аб ходзе работы над дакументам «Узаемаадносіны насельнікаў манастыроў са знешнім светам у святле манаскіх зарокаў».

Лідская епархія/Church.by