Пошук

Епіскап Лідскі Парфірый наведаў псіханеўралагічны інтэрнат

09 мая 2019

8 мая 2019 года епіскап Лідскі і Смаргонскі Парфірый з архіпастырскім візітам наведаў Мінойтаўскі псіханеўралагічны дом-інтэрнат.

Яго Праасвяшчэнства суправаджалі кіраўнік аддзела па царкоўнай дабрачыннасці і сацыяльнай дзейнасці протаіерэй Уладзімір Яроміч і клірык храма Усіх святых іерэй Аляксандр Збераноўскі.

Архіерэй ўзначаліў богаслужэнне ў малітоўным пакоі інтэрната, звярнуўся да прысутных з павучальным словам, павіншаваў са святам Святой Пасхі і пажадаў, каб па малітвах да Прасвятой Багародзіцы кожны, хто тут жыве, не губляў надзеі на дапамогу Божую, здабыў супакаенне для сваёй душы і ўмацаваў сваю веру ў Бога.

Затым гасцей запрасілі ў актавую залу, дзе насельнікі дома-інтэрната прадставілі невялікі канцэрт. Сёстры Свята-Васільеўскага брацтва пачаставалі ўсіх прысмакамі.

Уладыка Парфірый падзякаваў супрацоўнікам дома-інтэрната за працу, уручыў ім велікодныя падарункі і падаў архіпастырскае благаславенне.

Лідская епархія / Church.by