Пошук

Епіскап Полацкі і Глыбоцкі Ігнацій здзейсніў чын вялікага асвячэння храма святых мучанікаў Адрыяна і Наталлі горада Наваполацка

09 верасня 2021

8 верасня 2021 года, у свята Стрэчання Уладзімірскай іконы Прасвятой Багародзіцы і дзень памяці мучанікаў Адрыяна і Наталлі, епіскап Полацкі і Глыбоцкі Ігнацій узначаліў чын вялікага асвячэння і Бажэственную літургію ніжняга храма святых мучанікаў Адрыяна і Наталлі прыхода храма ў гонар іконы Божай Маці «Неспадзяваная Радасць» горада Наваполацка.

Яго Праасвяшчэнству саслужылі: сакратар Полацкай епархіі протаіерэй Аляксандр Пятліцкі; благачынны Полацкай царкоўнай акругі протаіерэй Аляксандр Шаховіч; настаяцель храма протаіерэй Аляксандр Карандзей; протаіерэй Георгій Скабей; благачынны Ушацкай царкоўнай акругі іерэй Аляксандр Таляронак; іерэй Георгій Адынец; дыякан Уладзімір Джэжора; протадыякан Андрэй Скабей; дыякан Барыс Мармузевич; дыякан Павел Іоська.

У храме маліліся член Савета Рэспублікі Нацыянальнага сходу Рэспублікі Беларусь, старшыня Наваполацкага гарадскога выканаўчага камітэта Дзмітрый Дзямідаў і іншыя афіцыйныя асобы.

За богаслужэннем былі ўзнесены асаблівыя малітоўныя прашэнні аб спыненні распаўсюджвання шкоднай пошасці і дараванні міру беларускаму народу.

Пропаведзь пасля запрычаснага верша прамовіў протаіерэй Георгій Скабей.

У рамках урачыстасцяў прайшоў традыцыйны хрэсны ход з іконай Божай Маці «Уладзімірская-Наваполацкая» з прыхода храма святога Архангела Міхаіла ў прыход храма ў гонар іконы Божай Маці «Неспадзяваная Радасць».

Пасля адпуста Бажэственнай літургіі архіепіскап Феадосій (Більчанка), епіскап Полацкі і Глыбоцкі Ігнацій, саслужачыя святары, свецкія ўлады, прыхаджане і паломнікі сустрэлі Наваполацкую святыню. Далей адбылося слаўленне Прасвятой Багародзіцы.

Пасля агульнага малення епіскап Полацкі і Глыбоцкі Ігнацій адзначыў, што навапалачане прыклалі шмат малітваў і прац да таго, каб у іх горадзе з'явіўся такі цудоўны храм. Таксама ён падкрэсліў, што нямала намаганняў для будаўніцтва храма прыклалі Высокапраасвяшчэнны архіепіскап Феадосій і Старшыня Савета Рэспублікі Нацыянальнага сходу Наталля Іванаўна Качанава.

Па завяршэнні епіскап Ігнацій за старанную працу ў славу Святой Праваслаўнай Царквы ўзнагародзіў архіепіскапа Феадосія, ганаровага настаяцеля прыхода храма ў гонар іконы Божай Маці «Неспадзяваная Радасць» ордэнам Беларускай Праваслаўнай Царквы свяціцеля Кірыла Тураўскага II ступені. Медалём Полацкай епархіі ў гонар свяшчэннамучаніка Канстанціна Жданава, прасвітара Шаркаўшчынскага ІІІ ступені былі ўзнагароджаны старшыня Наваполацкага гарадскога выканаўчага камітэта Дзмітрый Дзямідаў. Медалямі, архіерэйскімі граматамі і падзячнымі лістамі былі адзначаны таксама многія вернікі, асабліва папрацаваўшыя ў будаўніцтве храма.

Полацкая епархія/Church.by