Епіскап Тураўскі і Мазырскі Леанід ўзначаліў прастольную ўрачыстасць турэмнага храма
21 сакавіка 2017
20 сакавіка 2017 года сваё прастольнае свята адзначыў прыход турэмнага храма ў гонар іконы Божай Маці «Спаручніца грэшных», размешчанага ў Мазыры на тэрыторыі папраўчай калоніі № 20.
У гэты дзень у храме адбылася Бажэственная літургія, якую ўзначаліў епіскап Тураўскі і Мазырскі Леанід.
Яго Праасвяшчэнству саслужылі: старшыня епархіяльнага аддзела па турэмным служэнні протаіерэй Георгій Пігаль і сакратар епархіяльнага аддзела па турэмным служэнні, настаяцель прыхода храма Узнясення Гасподняга ў горадзе Петрыкаве протаіерэй Дзмітрый Пасечнік.
Літургічныя спевы выканаў архіерэйскі мужчынскі хор пад кіраваннем протадыякана Георгія Тыванюка.
Пропаведзь пасля запрычаснага сціха прамовіў протаіерэй Дзмітрый Пасечнік.
Многія зняволеныя ў гэты дзень прыступілі да Таінстваў Споведзі і Прычашчэння Святых Хрыстовых Тайн.
Па заамвоннай малітве правячы архіерэй і саслужачыя яму святары здзейснілі малебен каля абраза Божай Маці «Спаручніца грэшных» і пакланенне Жыватворнаму Крыжу Гасподняму.
Затым епіскап Леанід звярнуўся да прысутных з архіпастырскім словам.
Праасвяшчэнны ўладыка ўручыў усім абразкі Божай Маці на малітоўную памяць і падаў архіпастырскае благаславенне.
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
