Хор Віцебскай духоўнай семінарыі выступіў на Міжнародным фестывалі «SPRAVA»
10 жніўня 2018
Хор Віцебскай духоўнай семінарыі выступіў пад адкрытым небам ля руін храма ХVI стагоддзя.
Выступленне адбылося ў рамках II Міжнароднага фестывалю «SPRAVA» ў вёсцы Белая Царква Чашніцкага раёна Віцебскай вобласці.
Семінарскі хор пад кіраўніцтвам дыякана Аляксандра Буханцова богаслужэбныя спевы выканаў са свайго рэпертуару.
Двухдзённы фестываль, закліканы да ўзаемадзеяння з гістарычным і прыродным ландшафтам Беларусі з дапамогай сучаснага мастацтва і музыкі, сабраў музыкаў і творчыя калектывы рознай скіраванасці: этна-трыо, этна-джаз-квінтэт, народныя калектывы, класічныя аркестры, дуэты і трыо.
Акрамя музычных выступленняў, гасцей мерапрыемства чакалі майстар-класы, пленэры і экскурсіі.
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
