Ідзе рэгістрацыя на ўдзел у злёце моладзі Барысаўскай епархіі
05 ліпеня 2019
Па благаславенню епіскапа Барысаўскага і Мар'інагорскага Веніяміна 18-21 ліпеня пройдзе традыцыйны штогадовы злёт-сплаў на плытах па рацэ Бярэзіна, арганізаваны аддзелам па справах моладзі Барысаўскай епархіі.
Злёт — гэта магчымасць пагутарыць з прадстаўнікамі моладзевых брацтваў, гасцямі, святарамі, магчымасць атрымаць асалоду ад прыгажосці роднай прыроды. Важнай часткай злёту з'яўляецца Бажэственная Літургія, таму Прычашчэнне для ўсіх удзельнікаў абавязковае.
— Сёлета падчас сплаву нас чакае сустрэча-гутарка ў нефармальнай абстаноўцы з епіскапам Веніямінам, займальная праграма, гульні, квэсты, майстар-класы, гутаркі са святарамі ля вогнішча, песні пад гітару, крыштальна чыстае паветра, мора эмоцый, — абяцаюць арганізатары.
Рэгістрацыя на ўдзел у злёце завяршаецца 15 ліпеня. Падрабязнасці на сайце Барысаўскай епархіі.
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
