Пошук

III епархіяльная алімпіяда праваслаўных ведаў адбудзецца ў Бабруйскай епархіі

26 студзеня 2019

Па благаславенню епіскапа Бабруйскага і Быхаўскага Серафіма, у адпаведнасці з планам супрацоўніцтва Бабруйскай епархіі і ўпраўлення па адукацыі, аддзела ідэалагічнай работы і па справах моладзі Бабруйскага гарвыканкама на 2018/2019 навучальны год у горадзе Бабруйску пройдзе III епархіяльная алімпіяда праваслаўных ведаў «Евангельскія прытчы ў маім жыцці».

Традыцыйна Алімпіяда праводзіцца для навучэнцаў парафіяльных нядзельных школ і навучэнцаў, якія наведваюць факультатыўныя заняткі рэлігіязнаўчай накіраванасці ва ўстановах агульнай сярэдняй адукацыі.

Арганізатарам алімпіяды праваслаўных ведаў з'яўляецца аддзел рэлігійнай адукацыі і катэхізацыі Бабруйскай епархіі.

Удзельнікам Алімпіяды неабходна будзе паказаць не толькі агульныя пачатковыя рэлігійныя веды, але і праявіць эрудыцыю, творчыя навыкі.

3 лютага 2019 года адбудзецца парафіяльны тур алімпіяды. А 16 лютага пераможцы парафіяльнага тура і навучэнцы ўстаноў агульнай сярэдняй адукацыі, якія наведваюць факультатыўныя заняткі рэлігіязнаўчай накіраванасці, прымуць удзел у епархіяльным туры.

Бабруйская епархія / Church.by