Пошук

Мінская духоўная акадэмія аб'яўляе набор у магістратуру і аспірантуру на 2019/2020 навучальны год

29 мая 2019

Дакументы прымаюцца ў перыяд з 1 па 11 ліпеня 2019 года ў Мінскай духоўнай акадэміі па адрасе: 220030, г. Мінск, вул. Зыбіцкая, 27, вучэбна-метадычны аддзел. Тэлефон: (17) 226-02-69. Электронны адрас: secretariat.minda@yandex.ru. Пачынаючы з бягучага года, да ўступных выпрабаванняў у Акадэміі будуць дапускацца асобы абодвух палоў.

Іспыты праводзяцца з 15 па 18 ліпеня 2019 года.

МАГІСТРАТУРА

Прыём на магістарскую праграму Мінскай духоўнай акадэміі вочнай формы навучання праводзіцца па трох спецыялізацыях: «Біблістыка», «Гісторыя Царквы і царкоўна-практычныя дысцыпліны», «Апалагетыка».

План набору — па 7 чалавек на кожную спецыялізацыю.

Прыём на магістарскую праграму Мінскай духоўнай акадэміі завочнай формы навучання праводзіцца па спецыялізацыі «Гісторыя Царквы і царкоўна-практычныя дысцыпліны».

У магістратуру прымаюцца асобы праваслаўнага веравызнання абодвух палоў, якія скончылі поўны курс духоўнай семінарыі па пяцігадовай або чатырохгадовай праграме альбо якія маюць дзяржаўны дыплом аб вышэйшай адукацыі па спецыяльнасці «тэалогія».

На завочную форму навучання прымаюцца асобы ў свяшчэнным сане.

Жадаючыя паступіць у магістратуру павінны падаць прашэнне на імя рэктара аб допуску да ўступных іспытаў з указаннем спецыялізацыі (афармляецца пры падачы дакументаў).

Да заявы дадаюцца наступныя дакументы:

1. аўтабіяграфія;
2. арыгіналы дыпломаў (з дадаткамі) і пасведчанняў аб атрыманай адукацыі;
3. спіс апублікаваных навуковых прац (калі ёсць);
4. копіі сертыфікатаў аб веданні замежнай мовы (калі ёсць);
5. копія тытульнай старонкі ваеннага білета або прыпіснога пасведчання;
6. даведка аб хрышчэнні (акрамя выпускнікоў духоўных семінарый);
7. пісьмовая рэкамендацыя правячага архіерэя;
8. копія пасведчання аб шлюбе (для абітурыентаў, якія знаходзяцца ў шлюбе);
9. копія граматы аб рукапалажэнні ў свяшчэнны сан (для абітурыентаў у свяшчэнным сане);
10. копія пашпарта;
11. завераная копія працоўнай кніжкі;
12. медыцынская даведка;
13. 2 фатаграфіі 3х4.

Арыгіналы дакументаў прад'яўляюцца пры падачы прашэння.

Пры непаўнаце камплекта дакументаў або адсутнасці арыгіналаў дакументаў прыёмная камісія мае права адмовіць у прыёме прашэння.

Пры паступленні ў магістратуру здаюцца конкурсныя іспыты па наступных дысцыплінах:

• дагматычнае багаслоўе;
• дысцыпліна спецыялізацыі (у адпаведнасці з уласным выбарам спецыялізацыі);
• сучасная замежная мова (англійская або нямецкая).

Пасля ўступных іспытаў абітурыенты праходзяць сумоўе з рэктарам або прарэктарам па навукова-багаслоўскай рабоце. На падставе вынікаў іспытаў і гутаркі прыёмная камісія прымае рашэнне аб рэкамендацыі да залічэння. Залічэнне ў магістратуру праводзіцца загадам рэктара на падставе рашэння Вучонага савета.

Для прыёму экзаменаў ствараюцца прадметныя камісіі з прафесарска-выкладчыцкага саставу Мінскай духоўнай акадэміі і запрошаных экспертаў. Прадметныя камісіі падчас уступных выпрабаванняў ацэньваюць веды абітурыентаў і выстаўляюць адзнакі па 10-бальнай шкале. Да агульнай сумы балаў, атрыманых абітурыентамі, якія скончылі Мінскую духоўную семінарыю са ступенню бакалаўра або свецкую вышэйшую навучальнай ўстанову па спецыяльнасці «Тэалогія», дадаецца 2 балы, калі яны абаранілі дыпломную працу на «выдатна». У тым выпадку, калі дыпломная праца атрымала ацэнку «добра», да агульнай сумы балаў дадаецца 1 бал.

Абітурыент, які атрымаў па адным з экзаменаў бал ніжэй 4-х, да здачы астатніх экзаменаў не дапускаецца і пазбаўляецца магчымасці паступлення ў бягучым годзе. Асобы, якія не з'явіліся на экзамен па ўважлівай прычыне, дапускаюцца да яго не пазней за дзень завяршэння сесіі па спецыяльнаму дазволу рэктара.

АСПІРАНТУРА

Прыём у аспірантуру Мінскай духоўнай акадэміі праводзіцца па трох аддзяленнях: «Біблеістыка», «Гісторыя Царквы і царкоўна-практычныя дысцыпліны», «Апалагетыка».

План набору — 8 чалавек.

У аспірантуру прымаюцца асобы праваслаўнага вызнаньня мужчынскага і жаночага полу, якія маюць вышэйшую багаслоўскую адукацыю і ступень магістра багаслоўя (тэалогіі).

Жадаючыя паступіць у аспірантуру павінны падаць прашэнне на імя рэктара аб допуску да ўступных іспытаў з указаннем кафедры, на якой будзе выконвацца дысертацыя, і тэмы меркаванага даследавання (афармляецца пры падачы дакументаў).

Да заявы дадаюцца наступныя дакументы:

1. аўтабіяграфія;
2. копіі дыпломаў (з дадаткамі) і пасведчанняў аб атрыманай адукацыі;
3. спіс апублікаваных навуковых прац (асобы, якія не маюць апублікаваных работ, прадстаўляюць навуковыя рэфераты па абранай тэме);
4. абгрунтаванне тэмы і план будучай дысертацыі;
5. пасведчанні аб здачы кандыдацкіх экзаменаў (пры наяўнасці ў абітурыента здадзеных экзаменаў);
6. копіі сертыфікатаў аб веданні замежнай мовы (калі ёсць);
7. копія тытульнай старонкі ваеннага білета або прыпіснога пасведчання;
8. даведка аб хрышчэнні (акрамя выпускнікоў духоўных семінарый);
9. пісьмовая рэкамендацыя правячага архіерэя;
10. копія пасведчання аб шлюбе (для абітурыентаў, якія знаходзяцца ў шлюбе);
11. копія граматы аб рукапалажэнні ў свяшчэнны сан (для абітурыентаў у свяшчэнным сане);
12. копія пашпарта;
13. завераная копія працоўнай кніжкі;
14. медыцынская даведка;
15. 2 фатаграфіі 3х4.

Арыгіналы дакументаў прад'яўляюцца пры падачы прашэння.

Пры непаўнаце камплекта дакументаў або адсутнасці арыгіналаў дакументаў прыёмная камісія мае права адмовіць у прыёме прашэння.

Для правядзення прыёму ў аспірантуру ствараецца прыёмная камісія пад старшынствам рэктара. Члены прыёмнай камісіі прызначаюцца яе старшынёй з ліку высокакваліфікаваных навукова-педагагічных і навуковых кадраў. Прыёмная камісія разглядае дакументы тых, хто паступае ў аспірантуру.

Паступаючыя ў аспірантуру праходзяць сумоўе з загадчыкам кафедры, які паведамляе аб выніку сумоўя ў прыёмную камісію. Рашэнне аб допуску да ўступных іспытаў у аспірантуру прыёмная камісія выносіць з улікам вынікаў сумоўя абітурыента з загадчыкам кафедры.

Паступаючыя ў аспірантуру здаюць наступныя конкурсныя ўступныя экзамены:

• спецыяльная дысцыпліна па праграме профільнай кафедры;
• сучасная замежная мова (англійская або нямецкая).

Для прыёму экзаменаў ствараюцца прадметныя камісіі з прафесарска-выкладчыцкага саставу Мінскай духоўнай акадэміі і запрошаных экспертаў. Падчас уступных выпрабаванняў веды абітурыентаў ацэньваюцца па дзесяцібальнай шкале.

Абітурыент, які атрымаў па адным з экзаменаў бал ніжэй 4-х, да здачы астатніх экзаменаў не дапускаецца і пазбаўляецца магчымасці паступлення ў бягучым годзе. Асобы, якія не з'явіліся на экзамен па ўважлівай прычыне, дапускаюцца да яго не пазней дня завяршэння сесіі па спецыяльным дазволе рэктара.

Залічэнне ў аспірантуру праводзіцца загадам рэктара на падставе рашэння Вучонага савета.

МінДА / Church.by