Мінскае епархіяльнае ўпраўленне наведала дэлегацыя італьянскага аўтаномнага рэгіёну Сардзінія
17 кастрычніка 2017
17 кастрычніка 2017 года Мінскае епархіяльнае ўпраўленне наведала дэлегацыя італьянскага аўтаномнага рэгіёну Сардзінія ў складзе вікарыя каталіцкай архідыяцэзіі горада Кальяры монсіньёра Франчэска Пуду, памочніка прэзідэнта аўтаномнага рэгіёну Сардзінія па пытаннях міжнароднага супрацоўніцтва Марка Секі і ганаровага консула Беларусі ў Кальяры Джузэпэ Карбоні.
Двухдзённы візіт монсіньёра Пуду ў Беларусь праходзіць з мэтай умацавання супрацоўніцтва паміж Беларуссю і Сардзініяй і ў рамках 25-годдзя беларуска-італьянскіх дыпламатычных адносін.
16 кастрычніка высокі госць наведаў з дабрачыннай місіяй пансіён каталіцкага таварыства «Карытас» для дзяцей з анкалагічнымі захворваннямі, а таксама выступіў з лекцыяй па біблеістыцы перад студэнтамі Інстытута тэалогіі Беларускага дзяржаўнага ўніверсітэта.
У Мінскім епархіяльным упраўленні дэлегацыю па благаславенню мітрапаліта Мінскага і Заслаўскага Паўла, Патрыяршага Экзарха ўсяе Беларусі, сустрэў сакратар Мінскай епархіі протаіерэй Андрэй Волкаў.
Для гасцей была праведзена экскурсія па будынку епархіяльнага ўпраўлення, пасля якой адбылася дружалюбная гутарка.
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
