Мітрапаліт Павел наведаў манастыр прападобнага Феадосія Вялікага непадалёк ад Віфлеема
06 верасня 2019
5 верасня 2019 года мітрапаліт Мінскі і Заслаўскі Павел, Патрыяршы Экзарх усяе Беларусі, наведаў манастыр святога прападобнага Феадосія Вялікага блізу горада Віфлеема.
Уладыка Экзарх сустрэўся з ігуменам абіцелі архімандрытам Філафеем і перадаў ад імя матушкі ігуменні Еўдакіі і ўсіх сясцёр Полацкага манастыра абраз святой прападобнай Еўфрасінні Полацкай з часцінкай яе святых мошчаў.
На Святой Зямлі прападобная Еўфрасіння завяршыла свой зямны шлях і ў гэтым манастыры яна была пахавана. Тут доўгі час знаходзіліся яе святыя мошчы. І ў памяць пра гэта была напісана гэтая ікона.
Мітрапаліт Павел падаў усім багамольцам архіпастырскае благаславенне і пакланіўся святыням абіцелі.
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
