Пошук

Мітрапаліт Веніямін узнёс малітвы аб ацаленні хворых і здзейсніў чын вялікага асвячэння вады ў 10-й гарадской клінічнай бальніцы горада Мінска

19 студзеня 2021

19 студзеня 2021 года, у свята Хрышчэння Гасподняга, мітрапаліт Мінскі і Заслаўскі Веніямін, Патрыяршы Экзарх усяе Беларусі, узнёс малітвы аб вылячэнні хворых і здзейсніў чын вялікага асвячэння вады ў 10-й гарадской клінічнай бальніцы горада Мінска. Асаблівыя малітвы прагучалі і за ўсіх працаўнікоў медыцынскіх устаноў.

Да малебна з удзелам медыцынскага персаналу 10-й гарадской клінічнай бальніцы горада Мінска змаглі далучыцца ўсе жадаючыя: прамую інтэрнэт-трансляцыю вёў афіцыйны YouTube-канал Беларускай Праваслаўнай Царквы.

Мітрапаліт Веніямін, павітаўшы прысутных, а таксама тых, хто глядзіць трансляцыю малебна, звярнуў увагу на тое, што ў гэтыя святочныя дні не ўсе маюць магчымасць наведаць храм. Многія нашы суграмадзяне цяжка хварэюць, медыцынскі персанал нястомна працуе на сваіх працоўных месцах, змагаючыся за жыццё і здароўе людзей.

«Хочацца падзяліцца з вамі радасцю свята, таму што мы ўсведамляем, што вы маеце патрэбу ва ўмацаванні душэўных і цялесных сіл. Нездарма нашы продкі казалі: «Ніхто, як Бог не дапаможа». Будзем заклікаць Госпада на дапамогу, і Ён, несумненна, адгукнецца!», — адзначыў Патрыяршы Экзарх, звяртаючыся да медыцынскім работнікаў, хворых, іх родных і блізкіх.

Па заканчэнні малебна Яго Высокапраасвяшчэнства павіншаваў прысутных са святам Святога Богаяўлення і звярнуўся са словам настаўлення.

Далей Патрыяршы Экзарх заклікаў Божае благаславенне на ўсіх, пажадаўшы медработнікам ўмацавальнай Боскай благадаці, цярпення, цялесных сіл, мудрасці, разважлівасці ў служэнні блізкім, а хворым цярпення, малітвы, надзеі, упэўненасці ў тым, што Гасподзь адгукнецца на малітву і працу лекараў, і ўсё паверне да дабра.

Мітрапаліт Веніямін уручыў ордэны і медалі Беларускай Праваслаўнай Царквы, граматы Патрыяршага Экзарха асобным работнікам 10-й гарадской клінічнай бальніцы Мінска і падзякаваў усім урачам Беларусі за іх высакародную працу.

У сваю чаргу, галоўны ўрач 10-й гарадской клінічнай бальніцы Мінска Віктар Ісачкін выказаў уладыку Веніяміну падзяку за праведзены ў сценах бальніцы малебен. «Чым даўжэй працуеш у медыцыне, тым больш зразумела, што без Божай дапамогі добрых вынікаў дамагчыся вельмі цяжка», — адзначыў Віктар Ісачкін.

На памяць пра падзею ўсім удзельнікам малебна былі раздадзены невялікія абразы.

Church.by  

Фотарэпартаж