Моладзевы рух «AGIOS» падвёў вынікі 2020 года

25 снежня 2020

top.jpg

Моладзевы рух «AGIOS» Усіхсвяцкага прыхода правяло справаздачны сход па выніках 2020 года. Мерапрыемства адбылося, па традыцыі, у Белай зале храма-помніка.

Да сённяшняга дня агульная колькасць удзельнікаў руху складае 107 чалавек. Гэта студэнты і маладыя спецыялісты ва ўзросце ад 16 да 28 гадоў. У структуры руху вылучыліся 5 напрамкаў (падраздзяленняў): асветніцкі, інфармацыйны, валанцёрскі, сацыяльны, мастацкі. Агульнае адміністраванне ажыццяўляецца трыма людзьмі: кіраўніком, намеснікам кіраўніка і HR-менеджэрам.

Сход адкрыў кіраўнік руху — Мікалай Камарчук. Ён распавёў пра поспехі арганізацыі на знешнім узроўні. Кіраўнікі падраздзяленняў падалі справаздачы аб напрамках сваёй дзейнасці.

Нягледзячы на складаную эпідэміялагічную сітуацыю, моладзеваму руху ўдалося працягваць актыўную працу. За справаздачны перыяд былі праведзены 168 асветніцкія гутаркі для ўдзельнікаў групы «AGIOS». Кіраўнік руху правёў шэраг сустрэч са студэнтамі Акадэміі кіравання пры Прэзідэнце РБ, БДМУ, БДУ — агулам 116 акадэмічных гадзін.

Намаганнямі сацыяльнага і валанцёрскага падраздзялення бесперапынна ажыццяўляецца акцыя «Добрае сэрца», у рамках якой рэгулярна аказваецца дапамога сем'ям, якія маюць у гэтым патрэбу, дзіцячым дамам і дзецям-інвалідам. Усяго за справаздачны перыяд была аказана дапамога больш чым дзвюм тысячам чалавек. Напярэдадні Новага года і Каляд акцыя «Добрае сэрца» згенеравала дадатковую, прымеркаваную да свята, акцыю «Добрае сэрца на Каляды» — для збору калядных падарункаў для маламаёмасных сем'яў Першамайскага раёна. Валанцёрскі аддзел таксама забяспечвае пастаянную прысутнасць дзяжурных на богаслужэннях у храме-помніку. Маладыя людзі дапамагаюць у забеспячэнні цішыні і парадку ў храме падчас набажэнства.

У 2020 годзе мастацкі аддзел арганізаваў канцэрты ў святы Ражджаства Хрыстова, Светлага Хрыстовага Уваскрасення, у сувязі з 15-годдзем моладзевага руху «AGIOS», да дня святых дабраверных князёў Пятра і Фяўронні. Таксама былі выпушчаны відэапаштоўкі да святкавання Вялікадня і Пакрова Прасвятой Багародзіцы.

Інфармацыйны аддзел займаецца бесперапынным асвятленнем жыцця моладзевага руху і прыхода. Суполкі ў сацыяльных сетках «ВКонтакте» і Instagram рэгулярна папаўняюцца інфармацыяй пра жыццё «AGIOS». Кіраўнік руху і ўдзельнікі аддзелаў праводзяць прамыя эфіры, дзе адказваюць на пытанні аб маладзёжным руху і Праваслаўнай Царкве ў цэлым.

У завяршэнне сходу кіраўнік моладзевага руху Мікалай Камарчук ад імя настаяцеля протаіерэя Фёдара Поўнага павіншаваў усіх з надыходзячымі святамі. Кожнаму ўдзельніку моладзевага руху былі ўручаны падарункі.

Church.by