Пошук

Зварот Сінадальнага інфармацыйнага аддзела Беларускага Экзархату

11 сакавіка 2026

Паважаныя свяшчэннаслужыцелі,

манахі, браты і сёстры!

З развіццём тэхналогій штучнага інтэлекту атрымліваюць распаўсюджванне фальшывыя акаўнты і відэаролікі, створаныя з выкарыстаннем нейрасеціва.

Асобныя старонкі ў сацыяльных сетках выдаюць сябе за афіцыйныя інфармацыйныя рэсурсы храмаў Беларускай Праваслаўнай Царквы (Беларускага Экхархату Маскоўскага Патрыярхату). На іх размяшчаюцца скажоныя відэасюжэты са здымак набажэнстваў, здзяйсняюцца спробы дыскрэдытацыі святароў і вернікаў, размяшчаюцца заявы, якія ўводзяць у зман. Некаторыя ролікі ствараюцца на мяжы блюзнерства, што, безумоўна, наносіць духоўную шкоду як гледачам, так і самім аўтарам падобнага кантэнту. «Бо з-за слоў сваіх будзеш апраўда́ны і з-за слоў сваіх будзеш асу́джаны» — шчыра сведчыць святое дабравесце паводле евангеліста Матфея (Мф. 12:37).

Уважлівага стаўлення патрабуюць і звароты віртуальных згенераваных «святароў», у вусны якіх можа быць укладзена слова, далёкае ад сапраўднай хрысціянскай пабожнасці.

Прыкметы, па якіх магчыма адрозніць ілжывыя старонкі і відэа, уключаюць у сябе сумнеўную прыналежнасць акаўнта, непраўдападобнасць таго, што адбываецца, ненатуральнасць рухаў, наяўнасць аптычных скажэнняў, неадпаведнасць дзеяння музычнага суправаджэння і г. д.

Дарагія браты і сёстры! Просім Вас адказна падыходзіць да выбару духоўнай ежы, асабліва ў перыяд Вялікага посту, выконваць нормы інфармацыйнай гігіены і не заахвочваць аўтараў сумнеўнага кантэнту сваёй увагай.

Запрашаем вас да руплівага ўдзелу ў богаслужэнні, дзе вы зможаце ўбачыць усё на свае вочы, адчуць сэрцам і набыць сапраўдны скарб для сваёй душы ў зносінах з Богам.

Church.by

Чытайце нас у мэсэнджэрах Telegram і Viber, 

сацсетках Instagram, ВКонтакте, 

Facebook і Одноклассники,

глядзіце ў YouTube і TikTok