Пошук

Ва Усіхсвяцкім прыходзе прайшоў адукацыйны праект «ШАГ»

10 красавіка 2021

8 красавіка 2021 у V-XI класах беларускіх устаноў агульнай сярэдняй адукацыі быў рэалізаваны чарговы этап адукацыйнага праекта «ШАГ» («Школа актыўнага грамадзяніна») па духоўна-маральным выхаванні школьнікаў.

Да гэтага дня Сінадальным аддзелам Беларускай Праваслаўнай Царквы па супрацоўніцтве са свецкімі ўстановамі адукацыі падрыхтавана і выпушчана два сяміхвілінных тэматычных відэароліка, якія дэманструюць духоўнае асэнсаванне актуальных пытанняў і праблем. У рамках «Школы актыўнага грамадзяніна» протаіерэй Фёдар Поўны, старшыня Сінадальнага аддзела, сустрэўся з навучэнцамі з Магілёўскага дзяржаўнага спецыяльнага прафесійна-тэхнічнага вучылішча закрытага тыпу №2 і старшакласнікамі сталічнай сярэдняй школы № 136.

Падчас гутарак узнімаліся пытанні месца духоўных каштоўнасцяў у выбары жыццёвых стратэгій. Сустрэчы былі выбудаваныя ў форме свабоднага канструктыўнага дыялогу. У мерапрыемствах прыняў удзел кіраўнік аддзела па рэлігійнай адукацыі і катэхізацыі Магілёўскай епархіі іерэй Аляксій Навуменка. Напрыканцы сустрэчы ўсе ўдзельнікі мерапрыемства атрымалі падарункі ад Усіхсвяцкага прыхода Мінска.

Сhurch.by