Асвячоны першы ў Тураўскай епархіі храм у гонар прападобнага Серафіма Сароўскага
16 студзеня 2018
13 студзеня 2018 года, у дзень аддання свята Ражджаства Хрыстовага, епіскап Тураўскі і Мазырскі Леанід здзейсніў чын асвячэння дамавога храма ў гонар святога прападобнага Серафіма Сароўскага Юравіцкага мужчынскага манастыра Нараджэння Багародзіцы і адслужыў у ім Бажэственную літургію.
Яго Праасвяшчэнству саслужылі: благачынны Калінкавіцкай акругі, намеснік Юравіцкага мужчынскага манастыра ігумен Аўксенцій (Абражэй) і брація манастыра ў свяшчэнным сане.
Богаслужэнне суправаджалася спевам архіерэйскага мужчынскага хору пад кіраваннем протадыякана Георгія Тыванюка.
Па заканчэнні Літургіі ўладыка Леанід звярнуўся да ўсіх удзельнікаў святочнага богаслужэння з архіпастырскім словам, павіншаваў з Ражджаством Хрыстовым і з асвячэннем манастырскага дамавога храма, адзначыўшы, што гэта першы храм у епархіі, асвячоны ў гонар прападобнага Серафіма Сароўскага, і ўдзяліў усім архірэйскае благаславенне.
На малітоўную памяць епіскап Леанід паднёс у дар манастыру абраз Божай Маці «Спатолі мае журботы», выкананую рукамі вернікаў з Лельчыц.
Віншуючы намесніка манастыра ігумена Аўксенція з важнай падзеяй у жыцці абіцелі і благаслаўляючы на далейшую працу, епіскап Леанід уручыў яму абраз Ангела Ахоўніка.
Таксама правячы архіерэй зважаючы на ахвярную працу ў справе добраўпарадкавання храма ўдастоіў епархіяльным медалём ў гонар свяшчэннамучаніка Аляксія Лельчыцкага Міхаіла Яўгенавіча Ждановіча.
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
