Патрыяршы Экзарх павіншаваў архіепіскапа Навагрудскага і Слонімскага Гурыя з 25-годдзем архіерэйскай хіратоніі
04 жніўня 2021
4 жніўня 2021 года спаўняецца 25 гадоў з дня архіерэйскай хіратоніі архіепіскапа Навагрудскага і Слонімскага Гурыя. Раней, 21 ліпеня 2021 года, споўнілася 35 гадоў служэння ўладыкі ў Свята-Успенскім Жыровіцкім манастыры.
Мітрапаліт Мінскі і Заслаўскі Веніямін, Патрыяршы Экзарх усяе Беларусі, павіншаваў архіпастыра са знамянальнымі датамі і ўручыў яму ордэн прападобнай Еўфрасінні Полацкай.
«Дарагі ўладыка! Сваё высокае архіерэйскае служэнне і звязаныя з ім царкоўныя послухі вы выконваеце з руплівасцю і адказнасцю — адзначыў мітрапаліт Веніямін. — Мы ведаем Вас як дбайнага працаўніка вінаградніка Хрыстовага, які клапоціцца аб сваёй пастве, і змірэннага малітвенніка».
«Ад самага пачатку Вашага знаходжання ў манастыры Вы мелі нястомную апеку аб упрыгажэнні абіцелі, аб належнай арганізацыі манаскага жыцця — падкрэсліў Прадстаяцель Беларускай Праваслаўнай Царквы. — Вас клапаціла і тое, каб кожны, хто пераступіў парог манастыра, здабываў тут сваю духоўную Айчыну. Вы заўсёды клапаціліся аб тым, каб абіцель несла святло свету, даючы суцяшэнне пакутным, лечачы раны, навучаючы таму, каб кожны заўсёды шукаў дабра і адзін аднаму і ўсім (1Фес. 5:15)».
Прадстаяцель Беларускай Праваслаўнай Царквы падзякаваў архіепіскапу Гурыю за самаадданую працу і малітоўна пажадаў яму дапамогі Божай у высокім свяціцельскім служэнні Царкве Хрыстовай і людзям.
Фота: іерэй Мікалай Савіцкі
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
