Патрыяршы Экзарх павіншаваў берасцейцаў з 1000-годдзем горада Брэста

06 верасня 2019

top.jpg

Мітрапаліт Мінскі і Заслаўскі Павел, Патрыяршы Экзарх усяе Беларусі, павіншаваў жыхароў Брэста з 1000-годдзем гэтага горада — аднаго з самых старажытных у нашай краіне.

Тэкст віншавання

Дарагія браты і сёстры!

Сардэчна віншую вас з юбілейнай датай — 1000-годдзем з дня заснавання горада Брэста.

Брэст — адзін з самых старажытных гарадоў Беларусі. За тысячу гадоў яму давялося перажыць як часы міру, згоды і дабрабыту, так і гады войнаў, смут і неўладкаванняў. Але нават у самыя грозныя ліхалецці Брэст змог выстаяць дзякуючы жыццялюбству, стойкасці і мужнасці сваіх жыхароў.

Усяму свету вядомы подзвіг абаронцаў Брэсцкай крэпасці, здзейснены ў першыя дні Вялікай Айчыннай вайны. Гераічная абарона Брэсцкай крэпасці яўляе нам сімвал мужнасці і стойкасці, сімвал адвагі і патрыятызму, сімвал здольнасці сумесна пераадольваць смяротную небяспеку і перамагаць.

Сучасны горад Брэст дынамічна развіваецца, радуючы прыгажосцю і гасціннасцю кожнага, хто прыбывае ў яго межы. Берасцейцы любяць свой горад і прыкладаюць усе намаганні для таго, каб Берасцейская зямля квітнела.

Дарагія браты і сёстры, жыхары слаўнага горада, малітоўна жадаю ўсім вам моцнага здароўя, міру, радасці, дапамогі Божай у вашай стваральнай працы! Гораду Брэсту і ўсім жыхарам яго — многія леты!

Са шчырай павагай

+ ПАВЕЛ,

мітрапаліт Мінскі і Заслаўскі,

Патрыяршы Экзарх усяе Беларусі

Church.by