Пошук

Патрыяршы Экзарх здзейсніў Бажэственную літургію ў Крыжаўздзвіжанскім саборы Полацкага Спаса-Еўфрасіннеўскага манастыра

31 студзеня 2021

31 студзеня 2021 года, у дзень свяціцеляў Афанасія і Кірыла, архіепіскапаў Александрыйскіх; прападобных схіманаха Кірыла і схіманахіні Марыі, бацькоў прп. Сергія Раданежскага, мітрапаліт Мінскі і Заслаўскі Веніямін, Патрыяршы Экзарх усяе Беларусі, у саслужэнні архіепіскапа Феадосія (Більчанкі) здзейсніў Бажэственную літургію ў Крыжаўздзвіжанскім саборы Полацкага Спаса-Еўфрасіннеўскага стаўрапігіяльнага жаночага манастыра..

Архіпастырам саслужылі клірыкі Спаса-Еўфрасіннеўскага манастыра.

За богаслужэннем маліліся ігумення манастыра Еўдакія (Ляўшук) і сёстры абіцелі.

Дыяканскі чын узначаліў протадыякан Уладзімір Назараў.

Богаслужэбныя спевы выканаў хор сясцёр абіцелі пад кіраваннем манахіні Фяўроніі (Бармічовай).

За Літургіяй былі ўзнесены асаблівыя малітоўныя прашэнні аб дараванні міру беларускаму народу і спыненні распаўсюджвання шкоднай павевы.

Пасля заканчэння богаслужэння мітрапаліт Веніямін і епіскап Полацкі і Глыбоцкі Ігнацій у саслужэнні духавенства здзейснілі паніхіду па новаспачыламу Высокапраасвяшчэннаму мітрапаліту Філарэту, Ганароваму Патрыяршаму Экзарху ўсяе Беларусі.

Затым Прадстаяцель Беларускай Праваслаўнай Царквы павіншаваў усіх людзей, якія маліліся, з нядзельным днём і звярнуўся са словам пропаведзі.

Уладыка Экзарх павіншаваў прычаснікаў з прыняццем Святых Хрыстовых Тайн і падаў усім архіпастырскае благаславенне.

 Church.by

Фотарэпартаж