Пошук

Патрыяршы Экзарх і святары Беларускай Праваслаўнай Царквы здзейснілі Бажэственную літургію і малебны спеў аб пакутным народзе Украінскай Праваслаўнай Царквы

18 мая 2017

18 мая 2017 года, у чацвер 5-й сядміцы пасля Вялікадня, дзень святкавання іконы Божай Маці «Няўпіўная Чаша», мітрапаліт Мінскі і Заслаўскі Павел, Патрыяршы Экзарх усяе Беларусі, здзейсніў Бажэственную літургію ў прыходзе храма ў гонар іконы Божай Маці «Няўпіўная Чаша» горада Мінска.

Яго Высокапраасвяшчэнству саслужылі: благачынны 5-ай Мінскай гарадской царкоўнай акругі, настаяцель прыхода храма велікамучаніка Георгія Перамаганосца горада Мінска протаіерэй Аляксандр Страха, настаяцель храма протаіерэй Дыянісій Пясецкі і клірыкі храма.

Богаслужэбныя спевы выканаў хор храма пад кіраваннем Ксеніі Зайчанковай.

Пропаведзь перад Прычасцем прамовіў клірык храма іерэй Аляксій Кісель.

Па адпусьце Бажэственнай літургіі Патрыяршы Экзарх звярнуўся да ўсіх багамольцаў з заклікам узнесці ўзмоцненыя малітвы аб пакутнай Украінскай Праваслаўнай Царкве і аб яе набожным народзе:

«Сёння паводле майго благаславення ва ўсіх епархіях, манастырах і прыходах Беларускай Праваслаўнай Царквы здзяйсняюцца малебны і ўзмоцненыя малітвы да Госпада і Збавіцеля Нашага, Яго Прачыстай Маці, Дзевы Марыі і ўсіх святых, якія ў зямлі Беларускай праззялі.

Заклікаю і ўсіх вас узнесці цяпер нашы сціплыя, але шчырыя малітвы перад цудадзейным абразом Божай Маці «Няўпіўная Чаша» аб Блажэннейшым мітрапаліце Кіеўскім і ўсяе Украіны Ануфрыі і аб Украінскай Праваслаўнай Царкве.

Сёння, 18 мая 2017 года, у Вярхоўнай Радзе Украіны прызначаны разгляд двух антыправаслаўных законапраектаў (№ 4511 і № 4128), якія могуць абвясціць існаванне Украінскай Праваслаўнай Царквы па-за законам, а таксама стварыць юрыдычныя ўмовы, якія будуць садзейнічаць раскольнікам для захопу праваслаўных храмаў Маскоўскага Патрыярхату.

Памолімся, каб Гасподзь умудрыў сэрцы ўладаносцаў і не дапусціў прыняцця гэтых антыправаслаўных законаў, якія адкрыюць шлях да рэлігійнага супрацьстаяння і кровапраліцця».

Пасля гэтага мітрапаліт Павел узначаліў малебен ўсім святым, у зямлі Беларускай праззяўшым, перад шануемым абразом Божай Маці «Няўпіўная Чаша».

Пасля гэтага Патрыяршы Экзарх павіншаваў духавенства і прыхаджан храма з прастольным святам і звярнуўся да ўсіх са словам настаўлення, а затым павіншаваў прычаснікаў з прыняццем Святых Хрыстовых Тайн.

На памяць аб сумеснай малітве уладыка Экзарх раздаў вернікам абразкі Божай Маці «Няўпіўная Чаша». Усім імяніннікам было абвешчана мнагалецце, і мітрапаліт Павел уручыў ім прасфоры і кветкі.

Па заканчэнні богаслужэння выхаванцы нядзельнай школы прыхода правялі святочны канцэрт, пасля якога мітрапаліт Павел наведаў будуемы храм іконы Божай Маці «Няўпіўная Чаша» і азнаёміўся з працэсам будаўніцтва. 

Church.by

Фотарэпартаж