Патрыяршы Экзарх здзейсніў аблёт межаў Беларусі са святынямі Беларускай Праваслаўнай Царквы
02 красавіка 2020
2 красавіка 2020 года мітрапаліт Мінскі і Заслаўскі Павел, Патрыяршы Экзарх усяе Беларусі, на борце самалёта здзейсніў аблёт межаў Рэспублікі Беларусь з шануемымі святынямі Беларускай Праваслаўнай Царквы — копіямі Крыжа прападобнай Еўфрасінні Полацкай, Жыровіцкай і Дзяржаўнай ікон Прасвятой Багародзіцы і іконы свяціцеля Лукі Крымскага, а таксама крыжам-машчавіком з часціцай Жыватворнага Дрэва Крыжа Гасподняга і часціцамі мошчаў шматлікіх святых.
Падчас паветранага хрэснага ходу ўладыку Экзарха суправаджаў настаяцель Усіхсвяцкага прыхода горада Мінска протаіерэй Фёдар Поўны.
Патрыяршы Экзарх і суправаджаючыя святары здзейснілі малебны спеў аб спыненні распаўсюджвання каронавіруснай інфекцыі і аб тым, каб Гасподзь Уседзяржыцель ахаваў зямлю і народ Белай Русі ад усякага зла. Падчас палёту здзяйсняўся акафістны спеў Найсвяцейшай Багародзіцы, святой праведнай Сафіі Слуцкай, свяціцелю Луку, архіепіскапу Сімферопальскаму і Крымскаму.
Напярэдадні аблёту мітрапаліт Павел накіраваў зварот да епіскапата, святароў і набожных міран Беларускай Праваслаўнай Царквы з заклікам «Сумесна ўзнесці ўзмоцненыя малітвы аб дараванні нашаму народу міласці Божай і спыненні распаўсюджвання смертаноснай пошасці».
Афіцыйны партал Беларускай праваслаўнай Царквы
© Беларуская Праваслаўная Царква 2019
Пры перадруку матэрыялаў спасылка на church.by абавязковая.
Калі вы хочаце задаць пытанне ці выказаць свае меркаванне з нагоды сайта або артыкулаў,
напішыце нам, скарыстаўшыся паштовай формай.
