Пошук

Патрыяршы Экзарх здзейсніў вялікую вячэрню ў Свята-Духавым кафедральным саборы горада Мінска

08 студзеня 2018

8 студзеня 2018 года мітрапаліт Мінскі і Заслаўскі Павел, Патрыяршы Экзарх усяе Беларусі, у саслужэнні епіскапаў: Барысаўскага і Мар'інагорскага Веніяміна; Маладзечанскага і Стаўбцоўскага Паўла і Слуцкага і Салігорскага Антонія здзейсніў вялікую вячэрню ў Свята-Духавым кафедральным саборы горада Мінска.

Архіпастырам саслужылі: прадстаўнік Патрыярха Маскоўскага і ўсяе Русі Кірыла ў Беларускім Экзархаце архімандрыт Васіян (Змееў); кіраўнік спраў Мінскай Экзархіі архімандрыт Сергій (Брыч); настаяцелі мінскіх храмаў і клірыкі кафедральнага сабора.

На богаслужэнні ў саборы прысутнічалі: намеснік прэм'ер-міністра Рэспублікі Беларусь Васіль Іванавіч Жарко, Упаўнаважаны па справах рэлігій і нацыянальнасцяў Леанід Паўлавіч Гуляка, прадстаўнікі Адміністрацыі Прэзідэнта, адміністрацыі вобласці і горада Мінска, дыпламатычнага корпуса, Рымска-Каталіцкай Царквы, навуковай і творчай інтэлігенцыі.

Богаслужэбныя спевы выканаў архіерэйскі хор пад кіраўніцтвам Віталя Сабалеўскага.

Па заканчэнні богаслужэння мітрапаліт Павел звярнуўся да ўсіх прысутных са святочным прывітаннем і словам настаўлення і падаў багамольцам архіпастырскае благаславенне.

Па заканчэнні богаслужэння адбыўся святочны прыём.

Church.by

Фотарэпартаж