Пошук

Патрыяршы Экзарх узначаліў урачыстасці ў гонар 30-годдзя прыхода храма ў гонар іконы Божай Маці «Усіх тужлівых Радасць» горада Мінска [+відэа]

06 лістапада 2022

6 лістапада 2022 года, у Нядзелю 21-ю пасля Пяцідзесятніцы, дзень святкавання іконы Божай Маці «Усіх тужлівых Радасць», Мітрапаліт Мінскі і Заслаўскі Веніямін, Патрыяршы Экзарх усяе Беларусі, здзейсніў Бажэственную літургію ў будуемым храме аднайменнага прыхода горада Мінска.

Яго Высокапраасвяшчэнству саслужылі: старшыня Сінадальнага аддзела БПЦ па ўзаемадзеянні з казацтвам, старшыня Сінадальнага аддзела БПЦ па царкоўным мастацтве, архітэктуры і рэстаўрацыі, благачынны 2-й Мінскай гарадской акругі, настаяцель прыхода храма ў гонар іконы Божай Маці «Усіх тужлівых Радасць» горада Мінска протаіерэй Ігар Карасцялёў; благачынны 1-й Мінскай гарадской акругі, настаяцель Петра-Паўлаўскага сабора горада Мінска протаіерэй Георгій Латушка; старшыня Узнагароднай камісіі Беларускага Экзархату, старшыня прыходскай рады Свята-Духава кафедральнага сабора іерэй Дыянісій Кавалёў; дырэктар Мінскага духоўнага вучылішча, настаяцель храма Святога Духа пасёлка Гатава Мінскага раёна протаіерэй Іаан Задарожын, клірыкі храма і госці ў свяшчэнным сане.

Дыяканскі чын узначаліў протадыякан Уладзімір Назараў.

Богаслужэбныя спевы выканаў хор пад кіраўніцтвам Вольгі Янум і дзіцячы хор нядзельнай школы прыхода пад кіраваннем Людмілы Літошык.

Трансляцыя набажэнства вялася на афіцыйным YouTube-канале Беларускай Праваслаўнай Царквы.

Пасля патроенай екценні Патрыяршы Экзарх узнёс малітву аб аднаўленні міру.

На малым ўваходзе Мітрапаліт Веніямін абвясціў указ аб узнагароджанні, зважаючы на руплівую працу на карысць Маці-Царквы і ў сувязі з 30-годдзем заснавання прыхода, клірыка протаіерэя Віктара Якушава правам служэння Бажэственнай літургіі з адкрытымі царскімі варотамі па «Іжэ Херувімы...».

Пропаведзь перад Прычасцем прамовіў клірык прыхода храма ў гонар іконы Божай Маці «Усіх тужлівых Радасць» протаіерэй Віктар Мельнікаў.

Па заканчэнні Бажэственнай літургіі было здзейснена слаўленне Божай Маці.

Затым Мітрапаліт Веніямін павіншаваў духавенства і прыхаджан з прастольным святам храма, а таксама 30-годдзем заснавання прыхода, і звярнуўся да ўсіх прысутных са словам настаўлення.

У памяць аб знамянальнай даце прыходу была перададзена ў дар ікона Божай Маці «Скіткоўская».

Далей архіпастыр павіншаваў настаяцеля храма протаіерэя Ігара Карасцялёва з 75-годдзем і падарыў яму наперсны крыж з упрыгожваннямі. Таксама былі ўручаны ўзнагароды Беларускай Праваслаўнай Царквы тым, хто асабліва папрацаваў на прыходзе ў славу Царквы Хрыстовай.

У сваю чаргу настаяцель храма протаіерэй Ігар Карасцялёў падзякаваў Высокапраасвяшчэннейшага Уладыку за сумесную малітву і падарыў яму на малітоўную памяць абраз Божай Маці.

Затым з 30-годдзем прыхода духавенства і прыхаджан храма павіншавалі Упаўнаважаны па справах рэлігій і нацыянальнасцяў Румак Аляксандр Аляксеевіч і кіраўнік Фрунзенскага раёна горада Мінска Шкруднеў Сяргей Анатольевіч.

У завяршэнне Патрыяршы Экзарх павіншаваў прычаснікаў з прыняццем Святых Хрыстовых Тайн і падаў усім архіпастырскае благаславенне.

***

26 красавіка 1991 года, у пятую гадавіну аварыі на Чарнобыльскай АЭС, на вуліцы Прытыцкага горада Мінска адбылася закладка памятнага каменя і асвячэнне месца, дзе ў памяць аб ахвярах трагедыі першы Патрыяршы Экзарх усяе Беларусі Мітрапаліт Мінскі і Слуцкі Філарэт благаславіў узвесці сабор у гонар іконы Божай Маці «Усіх тужлівых Радасць».

У ліпені 1991 года прыход наведаў Патрыярх Маскоўскі і ўсяе Русі Аляксій II, які благаславіў прыхаджан на будаўніцтва храмавага комплексу і перадаў у дар прыходу абраз Прасвятой Багародзіцы «Усіх тужлівых Радасць».

Пачынаючы з чэрвеня 1992 года набажэнствы ў прыходзе адбываліся ў прыстасаванай пад храм брызентавай армейскай палатцы.

У красавіку 1993 года пачалося будаўніцтва Свята-Еўфрасіннеўскай хрысцільнай царквы, а ў снежні таго ж года – узвядзенне званіцы.

У чэрвені 1994 года прыход прыступіў да будаўніцтва будынка нядзельнай школы. 6 лістапада 1994 года мітрапаліт Мінскі і Слуцкі Філарэт здзейсніў малебен на пачатак будаўніцтва сабора іконы Божай Маці «Усіх тужлівых Радасць» і змясціў у яго заснаванне спецыяльную капсулу з памятнай Граматай.

Да лета 1995 года хрысцільная Свята-Еўфрасіннеўская царква была гатовая прыняць прыхаджан. Першую літургію ў новым храме здзейсніў 23 чэрвеня 1995 года Свяцейшы Патрыярх Маскоўскі і ўсяе Русі Аляксій II. Свята-Еўфрасіннеўская царква стала першым праваслаўным храмам у Мінску, узведзеным пасля 1914 года.

У красавіку 1996 года – у 10-ю гадавіну Чарнобыльскай катастрофы – пры ўдзеле гасцей з 17 краін свету быў закладзены Сад надзеі. Кожную вясну ў ім расцвітаюць яблыні, грушы, вішні, і нават японская сакура, сімвалізуючы перамогу жыцця над смерцю.

У 1997 годзе было скончана будаўніцтва будынка вучэбнага корпуса, у якім сёння размяшчаюцца нядзельная школа, сацыяльныя майстэрні, Мінскае духоўнае вучылішча, Школа катэхізатараў, аддзяленне званароў, сакратарыят Саюза сястрыцтваў міласэрнасці БПЦ, Сацыяльны аддзел Мінскай епархіі, Выдавецтва Беларускага Экзархату, маладзёжнае брацтва.

На другім паверсе вучэбнага корпуса асвячана дамавая царква ў гонар святых мучанікаў 14 000 немаўлятаў Віфлеемскіх, дзе штотыдзень здзяйсняюцца богаслужэнні для людзей з праблемамі слыху. Гэтыя ўнікальныя службы здзяйсняе протаіерэй Аляксій Клімаў, які спецыяльна вывучыў мову жэстаў.

Святары рэгулярна здзяйсняюць богаслужэнні ў прыпісаных да прыхода храмах. Службы праходзяць у капліцы блажэннай Ксеніі Пецярбургскай у дзіцячай інфекцыйнай клінічнай бальніцы і ў капліцы блажэннай Матроны Маскоўскай пры Беларускім таварыстве інвалідаў па зроку.

Кожны, хто ўваходзіць на прыходскую тэрыторыю, заўважае злева ад брамы невялікую капліцу, сцены якой упрыгожаны мазаічнымі абразамі. Гэтая капліца, асвечоная ў імя Святога Духа, узведзена на месцы алтарнай часткі царквы-палаткі, у якой на працягу чатырох гадоў зімой і летам у любое надвор'е здзяйсняліся набажэнствы.

sobor.by/church.by

Чытаййе нас у Telegram, Viber, Instagram, ВКонтакте

Фотарэпартаж