Пошук

Патрыяршы Экзарх усяе Беларусі прыняў удзел у прыёме з нагоды тэзаімянінаў Патрыярха Кірыла

24 мая 2018

24 мая 2018 года, пасля канцэрту на Чырвонай плошчы, у кафедральным саборным Храме Хрыста Збаўвіцеля ў Маскве Патрыярх Маскоўскі і ўсяе Русі Кірыл і Свяцейшы Патрыярх Сербскі Ірыней наведалі прыём з нагоды Дня славянскага пісьменства і культуры і тэзаімянінаў Прадстаяцеля Рускай Праваслаўнай Царквы.

Свяцейшы Патрыярх Сербскі Ірыней звярнуўся да Свяцейшага Патрыярха Кірыла з віншавальным словам.

З вітальнымі прамовамі таксама выступілі: намеснік старшыні Урада Расійскай Федэрацыі Вольга Галадзец; мітрапаліт Такійскі і ўсяе Японіі Данііл; прадстаўнік Патрыярха Антыяхійскага і ўсяго Усходу пры Патрыярху Маскоўскім і ўсяе Русі мітрапаліт Філіпопальскі Ніфан; Надзвычайны і Паўнамоцны Пасол Рэспублікі Балгарыя ў Расійскай Федэрацыі Бойка Коцаў; мітрапаліт Мінскі і Заслаўскі Павел, Патрыяршы Экзарх усяе Беларусі.

У слове ў адказ Свяцейшы Патрыярх Кірыл падзякаваў усім прысутным за віншаванні, малітвы і словы падтрымкі.

Прадстаяцель Рускай Праваслаўнай Царквы ўзнагародзіў пасла Балгарыі Бойка Коцава ордэнам прападобнага Серафіма Сароўскага III ступені.

У Храме Хрыста Збавіцеля Свяцейшага Патрыярха Кірыла з днём тэзаімянінаў павіншавалі старшыня Дзяржаўнай Думы Федэральнага Сходу Расійскай Федэрацыі Вячаслаў Валодзін, міністр асветы Расійскай Федэрацыі Вольга Васільева, мэр Масквы Сяргей Сабянін, палітыкі, грамадскія дзеячы, іерархі і духавенства.

Прэс-служба Патрыярха Маскоўскага і ўсяе Русі / Church.by