Пошук

Патрыяршы Экзарх усяе Беларусі прыняў удзел ва ўрачыстасцях з нагоды 800-годдзя дабравернага князя Аляксандра Неўскага ў Санкт-Пецярбургу [+відэа]

12 верасня 2021

12 верасня 2021 года, у свята перанясення мошчаў дабравернага вялікага князя Аляксандра Неўскага (1724), горад Санкт-Пецярбург і Свята-Троіцкая Аляксандра-Неўская лаўра сталі цэнтрам агульнарасійскіх і агульнацаркоўных урачыстасцяў, прысвечаных 800-годдзю з дня нараджэння дабравернага князя Аляксандра Неўскага.

Бажэственную літургію ў Троіцкім саборы Аляксандра-Неўскай лаўры ўзначаліў Свяцейшы Патрыярх Маскоўскі і ўсяе Русі Кірыл. У гэты ўрачысты дзень Прадстаяцель Рускай Праваслаўнай Царквы адзначае таксама знамянальную асабістую памятную дату — акурат паўстагоддзя таму, 12 верасня 1971 года, іераманах Кірыл (Гундзяеў) быў узведзены ў сан архімандрыта.

Па прыбыцці ў Лаўру Свяцейшы ўладыка пакланіўся мошчам святога князя Аляксандра Неўскага, з нагоды свята устаноўленым у цэнтры сабора.

Яго Свяцейшасці саслужылі: мітрапаліт Кішынёўскі і ўсяе Малдовы Уладзімір; мітрапаліт Ташкенцкі і Узбекістанскі Вікенцій, кіраўнік Сярэднеазіяцкай мітрапалічай акругі; мітрапаліт Санкт-Пецярбургскі і Ладажскі Варсанофій; мітрапаліт Круціцкі і Каломенскі Павел, Патрыяршы намеснік Маскоўскай мітраполіі; мітрапаліт Валакаламскі Іларыён, старшыня Аддзела знешніх царкоўных сувязяў Маскоўскага Патрыярхату; мітрапаліт Мінскі і Заслаўскі Веніямін, Патрыяршы Экзарх усяе Беларусі; мітрапаліт Васкрасенскі Дыянісій, кіраўнік спраў Маскоўскай Патрыярхіі, першы вікарый Патрыярха Маскоўскага і ўсяе Русі па горадзе Маскве; мітрапаліт Валгаградскі і Камышынскі Фёдар; мітрапаліт Чалябінскі і Міяскі Аляксій; архіепіскап Паўднёва-Сахалінскі і Курыльскі Ніканор; епіскап Выбаргскі і Прыазёрскі Ігнацій; епіскап Кранштацкі Назарый, намеснік Аляксандра-Неўскай лаўры; епіскап Ціхвінскі і Ладзейнапольскі Мсціслаў; епіскап Гатчынскі і Лужскі Мітрафан; епіскап Лыскаўскі і Лукаянаўскі Сілуан; епіскап Пецяргофскі Сілуан, рэктар Санкт-Пецярбургскай духоўнай акадэміі; протаіерэй Сергій Куксевіч, сакратар Санкт-Пецярбургскага епархіяльнага ўпраўлення; протаіерэй Багдан Сойка, настаяцель Мікольскага марскога сабора г. Санкт-Пецярбурга; протаіерэй Уладзімір Сарокін, настаяцель Князь-Уладзімірскага сабора, прафесар Санкт-Пецярбургскай духоўнай акадэміі; архімандрыт Аляксій (Турыкаў), асабісты сакратар Свяцейшага Патрыярха Кірыла; духавенства Санкт-Пецярбурга і Масквы.

На богаслужэнні прысутнічалі: Старшыня Савета Федэрацыі ФС РФ В. І.Мацвіенка; паўнамоцны прадстаўнік Прэзідэнта РФ у Паўночна-Заходняй федэральнай акрузе А. В. Гуцан; губернатар Санкт-Пецярбурга А. Д. Бяглоў; губернатар Ленінградскай вобласці А. Ю. Драздзенка; першы намеснік міністра культуры РФ С. Г. Абрывалін; старшыня Заканадаўчага сходу Санкт-Пецярбурга В. С. Макараў; мэр горада Бялграда Рэспублікі Сербія Зоран Радаічыч.

Богаслужэбныя спевы выканалі хор духавенства Санкт-Пецярбургскай мітраполіі пад кіраваннем Ю. А. Герасімава, змешаны хор Санкт-Пецярбургскай духоўнай акадэміі пад кіраваннем Р. Г. Гундзяевай, хор Аляксандра-Неўскай лаўры пад кіраваннем іерадыякана Аляксандра (Урбановіча).

Патрыяршае богаслужэнне трансліравалася ў прамым эфіры на тэлеканалах «Санкт-Пецярбург», «Саюз» і «Спас». Таксама трансляцыя ажыццяўлялася на афіцыйным партале Рускай Праваслаўнай Царквы «Патриархия.ру». 

Частка вернікаў малілася за Патрыяршым набажэнствам, назіраючы за трансляцыяй на двух вялікіх экранах на плошчы Аляксандра Неўскага, а таксама на экранах, устаноўленых у створы Неўскага праспекта і насупраць гасцініцы «Масква».

На патроенай екценні былі ўзнесены малітоўныя прашэнні аб вызваленні ад каронавіруснай інфекцыі. Пасля патроенай екценні Прадстаяцель Рускай Праваслаўнай Царквы узнёс малітву, якая падчас распаўсюджвання шкоднай пошасці чытаецца.

Пропаведзь перад прычасцем прамовіў протаіерэй Аляксандр Буднікаў, благачынны Выбаргскай царкоўнай акругі Санкт-Пецярбургскай епархіі, настаяцель храма прарока Іліі на Парахавых горада Санкт-Пецярбурга.

Па завяршэнні Літургіі ад імя духавенства Санкт-Пецярбургскай мітраполіі і праваслаўных вернікаў Санкт-Пецярбурга Свяцейшага ўладыку вітаў мітрапаліт Санкт-Пецярбургскі і Ладажскі Варсанофій.

«Вы здзейснілі Літургію ў гэтым выдатным саборы, у якім прайшлі ўсе вашы хіратоніі — дыяканская, іерэйская, епіскапская, і сёння вы ў гэты дзень, 12 верасня 1971 года, былі ўзведзены ў сан архімандрыта перад паездкай у камандзіроўку ў Швейцарыю», — адзначыў мітрапаліт Варсанофій.

Кіраўнік Санкт-Пецярбургскай мітраполіі паднёс Яго Свяцейшасці абраз дабравернага князя Аляксандра Неўскага з Фёдараўскай іконай Божай Маці.

Свяцейшага ўладыку таксама вітаў намеснік Лаўры епіскап Кранштацкі Назарый, які паднёс Яго Свяцейшасці тры панагіі, уключаючы панагію з вобразам святога Аляксандра Неўскага і панагію з выявай абраза Божай Маці «Скорапаслушніца» Неўская.

Прадстаяцель Рускай Праваслаўнай Царквы звярнуўся да вернікаў з Першасвяціцельскім словам.

Затым адбылося ўручэнне царкоўных узнагарод. Мітрапаліт Варсанофій і Аляксандр Бяглоў былі ўдастоены ордэна святога Аляксандра Неўскага II ступені, епіскап Назарый і віцэ-губернатар Аляксандр Бельскі — таго ж ордэна III ступені. Протаіерэй Сергій Куксевіч узнагароджаны ордэнам святога Данііла Маскоўскага III ступені. Намесніку кіраўніка адміністрацыі губернатара Валерыю Калугіну ўручаны ордэн святога Аляксандра Неўскага III ступені, кіраўніку адміністрацыі Цэнтральнага раёна Максіму Мейксіну ўручаны медаль «Патрыяршая падзяка». Начальнік гарадскога аддзела па сувязях з рэлігійнымі аб'яднаннямі Уладзімір Іваноў узнагароджаны медалём ордэна святога Аляксандра Неўскага. Памочнік намесніка лаўры па рэстаўрацыі Аляксей Адзінцоў узнагароджаны медалём ордэна прападобнага Серафіма Сароўскага.

Далей Свяцейшы Патрыярх Маскоўскі і ўсяе Русі Кірыл узначаліў хрэсны ход з мошчамі дабравернага князя Аляксандра Неўскага з Троіцкага сабора на плошчу Аляксандра Неўскага, дзе быў здзейснены малебен.

Прэс-служба Патрыярха Маскоўскага і ўсяе Русі/mitropolia.spb.ru/Church.by

Фотарэпартаж

Фотарэпартаж