Пошук

Патрыяршы Экзарх усяе Беларусі прыняў удзел у пасяджэнні Сусветнага рускага народнага сабора

01 лістапада 2018

1 лістапада 2018 года ў Дзяржаўным Крамлёўскім палацы горада Масквы адбылося пасяджэнне ХХІІ Сусветнага рускага народнага сабора (СРНС).

Пасяджэнне адкрылі Прэзідэнт Расійскай Федэрацыі Уладзімір Уладзіміравіч Пуцін і Патрыярх Маскоўскі і ўсяе Русі Кірыл.

Удзел у працы Сабора прынялі прадстаўнікі ўсіх галін улады, палітыкі, лідары грамадскіх аб'яднанняў, дзеячы навукі, адукацыі і культуры, рэлігійныя лідары. На Саборы прысутнічаў і мітрапаліт Мінскі і Заслаўскі Павел, Патрыяршы Экзарх усяе Беларусі.

Пасля пленарнага пасяджэння адбыўся святочны канцэрт.

Як праінфармавала прэс-служба СРНС, у гэтым годзе Сусветны рускі народны сабор святкуе 25-гадовы юбілей. Гэтая дата мае важнае значэнне для членаў і партнёраў сабора як у Расіі, так і за мяжой.

Міжнародная грамадская арганізацыя «Сусветны рускі народны сабор» была заснавана ў 1993 годзе. Кіраўніком СРНС з'яўляецца Патрыярх Маскоўскі і ўсяе Русі. З 2005 года сабору быў прадстаўлены спецыяльны кансультатыўны статус пры ААН.

Фота: прэс-служба Патрыярха Маскоўскага і ўсяе Русі

 

Church.by