Пошук

Патрыяршы Экзарх усяе Беларусі ўзначаліў урачыстасці з нагоды 370-годдзя пакутніцкага скону прападобнамучаніка Афанасія Брэсцкага

18 верасня 2018

18 верасня 2018 года, у дзень памяці прападобнамучаніка Афанасія Брэсцкага, мітрапаліт Мінскі і Заслаўскі Павел, Патрыяршы Экзарх усяе Беларусі, узначаліў Бажэственную літургію ў храме ў гонар прападобнамучаніка Афанасія Брэсцкага ў Афанасьеўскім мужчынскім манастыры горада Брэста.

Патрыяршаму Экзарху саслужылі: мітрапаліт Уладзіміра-Валынскі і Ковельскі Уладзімір, архіепіскапы Элісцінскі і Калмыцкі Юсцініян, Магілёўскі і Мсціслаўскі Сафроній, Брэсцкі і Кобрынскі Іаан, Гомельскі і Жлобінскі Сцяфан, Львоўскі і Галіцкі Філарэт, епіскапы Тураўскі і Мазырскі Леанід, Барысаўскі і Мар'інагорскі Веніямін, Салавацкі і Кумертаускі Мікалай, Урупінскі і Новаанінскі Елісей, Мурамскі і Вязнікаўскі Ніл, Шчыгроўскі і Мантураўскі Паісій, Маладзечанскі і Стаўбцоўскі Павел, Лідскі і Смаргонскі Парфірый, Пецяргофскі Серафім, Барышэўскі Віктар і Гайнаўскі Павел.

Архіпастырам саслужылі: намеснік Афанасьеўскага мужчынскага манастыра архімандрыт Серафім (Пятручык), сакратар Мінскай епархіі протаіерэй Андрэй Волкаў, клірыкі Брэсцкай епархіі і запрошаныя госці ў свяшчэнным сане.

Пропаведзь перад Прычасцем прамовіў клірык кафедральнага сабора горада Брэста іерэй Павел Юрчэня.

Богаслужэбныя спевы выканаў хор духавенства Брэсцкай епархіі пад кіраваннем протаіерэя Валерыя Грыцука.

Па заамвоннай малітве архіпастыры і саслужачыя святары здзейснілі слаўленне святу.

За святочным богаслужэннем таксама маліліся: намеснік старшыні Брэсцкага абласнога выканаўчага камітэта Алег Іванавіч Вялічка; старшыня Брэсцкага гарадскога Савета дэпутатаў Красоўскі Мікалай Васільевіч; генеральны консул Расійскай Федэрацыі ў горадзе Брэсце Канякін Ігар Юр'евіч; ганаровы консул Чэшскай Рэспублікі ў горадзе Брэсце Мікуліч Уладзімір Аляксеевіч; прадстаўнік консульства Рэспублікі Польшча ў горадзе Брэсце консул Рафал Станчык; загадчык сектара па справах рэлігій і нацыянальнасцяў галоўнага ўпраўлення ідэалагічнай работы і па справах моладзі Брэсцкага аблвыканкама Аляксандр Аляксандравіч Цырэльчук; намеснік начальніка міліцыі грамадскай бяспекі УУС Брэсцкага аблвыканкама Віктар Фёдаравіч Мельнікаў; старшыня Камітэта дзяржаўнага кантролю Брэсцкай вобласці Дзмітрый Вікенцьевіч Баско; намеснік начальніка ўпраўлення Следчага камітэта Рэспублікі Беларусь па Брэсцкай вобласці Жаўнерчык Людміла Мікалаеўна, дэпутаты Нацыянальнага сходу ад горада Брэста і іншыя высокія госці.

Па заканчэнні богаслужэння з прывітаннем да Патрыяршага Экзарха звярнуўся архіепіскап Брэсцкі і Кобрынскі Іаан, а затым да прысутных звярнуўся намеснік старшыні Брэсцкага аблвыканкама Алег Вялічка.

Патрыяршы Экзарх падзякаваў архіепіскапу Іаана і Алегу Іванавічу за словы вітання, павіншаваў архіпастыраў, духавенства, пабожных паломнікаў са святам і звярнуўся да ўсіх са словам павучання.

Уладыка Экзарх павіншаваў усіх прычаснікаў з прыняццем Святых Хрыстовых Тайн і падаў вернікам архіпастырскае благаславенне.

Затым мітрапаліт Павел і ўсе ўдзельнікі ўрачыстасці прайшлі да будуемага храма Ражджаства Хрыстовага, на прылеглай тэрыторыі якога адбылася закладка алеі і пасадка дрэў — сібірскіх кедраў. Гэта дзейства было прысвечана 370-годдзю са дня пакутніцкай смерці святога Афанасія Брэсцкага і адбылося ў азнаменаванне маючага адбыцца юбілею — 1000-годдзя з часу заснавання горада Брэста.

Church.by

Фотарэпартаж